استانالىق جۇرگىزۋشى 98 رەت جول ەرەجەسىن بۇزعان

ۇيىمنىڭ مالىمەتىنشە، قالادا «بورىشكەر» رەيدى جۇرگىزىلىپ جاتىر ەكەن. شارانىڭ ماقساتى - مەملەكەتكە قارىزى بار ازاماتتاردى انىقتاۋ.

«رەيد ناتيجەسىن بەرىپ جاتىر. تەكسەرىس بارىسىندا وسى جىلى ءبىر تۇرعىنعا 98 ايىپپۇل سالىنعانى انىقتالدى. جول قوزعالىسى ەرەجەسىن بۇزعانى ءۇشىن وعان 1,8 ميلليون تەڭگە كولەمىندە ايىپپۇل سالىنعان. وسىعان بايلانىستى 2009 -جىلى شىعارىلعان BMW 750 Li كولىگى ارنايى ايىپپۇل تۇراعىنا قويىلدى. كەيىن بورىشكەر ايىپپۇلدى تولەدى»، - دەيدى جەكە سوت ورىنداۋشىلار پالاتاسى ءتوراعاسىنىڭ ورىنباسارى ءمادينا جاناسايەۆا.

ونىڭ ايتۋىنشا، تۇرعىندا 98 ايىپپۇلدان باسقا، ەكىنشى دەڭگەيلى بانكتەردىڭ بىرىندە قارىزى بولعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى