عالىمدار 97 جاستاعى ادامنىڭ جاسۋشالارىن جاسارتتى
بۇل قاعيدا بويىنشا جاسۋشالارداعى مەتابولالىق ۇدەرىستىڭ باياۋلاۋى د ن ك- داعى ميتوحوندري مۋتاتسيالارىنىڭ قوردالانۋىنا بايلانىستى بولماق.
عالىمدار قارتايۋ تەتىگىنە جاڭا تۇسىندىرمە ۇسىندى، سونداي-اق 97 جاستاعى ادامنىڭ جاسۋشالارىن «جاسارتتى».
زەرتتەۋ اۆتورلارى جاس جانە ەگدە ادامداردىڭ جاسۋشىلارىنداعى ميتوحوندريالدىق مۋتاتسيالاردىڭ سانىن زەرتتەدى. Science Reports جۋرنالىنا ۇسىنىلعان مالىمەتتەرگە سايكەس عالىمدار ەكى جاسۋشالىق جەلىلەردەگى ميتروحوندري د ن ك- دە مۋتاتسيا سانىنداعى ەلەۋلى ايىرماشىلىقتى تابا المادى، دەپ جازادى medportal.ru. وسىعان بايلانىستى زەرتتەۋ اۆتورلارى جاسۋشانىڭ قارتايۋى ۇدەرىسىنە جاڭا تۇسىندىرمە ۇسىندى. ولاردىڭ پىكىرىنشە، بۇل تەتىككە د ن ك- ءنىڭ العاشقى جۇيەلىلىگىن قوزعامايتىن ەپيگەنەتيكالىق فاكتورلار اسەر ەتەدى.
عالىمدار ميتوحوندريالدىق د ن ك ايماعىنا تالداۋ جاسادى جانە ولاردىڭ پىكىرىنشە، ەپيگەنەتيكالىق فاكتورلار اسەر ەتەتىن ەكى سالانى تاپتى - مىسالعا اقۋىزدار. بۇل ايماقتار گليتسين ءاميندى قىشقىلدارىن وندىرۋگە جاۋاپ بەرەتىن گەندەر بولىپ شىقتى. زەرتتەۋ اۆتورلارى 97 جاستاعى ادامنىڭ جاسۋشالارىن گليتسينگە باي ورتاعا 10 كۇنگە ورنالاستىردى. بۇل جاسۋشانى «جاسارتۋعا» مۇمكىندىك بەردى، ميتوحوندريالار قايتادان ادەنوزين ءۇش فوسفات (ا ت ف) مولەكۋلالارىن سينتەزدەي باستادى. ەندى عالىمدار ەپيگەنەتيكالىق فاكتورلاردىڭ تۇتاس ورگانيزمنىڭ قارتايۋىنا اسەرىنە وسىنداي زەرتتەۋ جاساۋعا ءۇمىت ارتادى.
