قازاقستاندا كوكتەمگى ەگىس جانە ەگىن وراعىنا دايىندىق جۇمىستارىنا 97 ميلليارد تەڭگە باعىتتالادى

سەناتوردىڭ سوزىنشە، ۇكىمەت ناقتىلاعان 2015 - جىلدىڭ بيۋدجەتى تۋرالى زاڭ جوباسىندا بيۋدجەت تاپشىلىعىنا قاراماي، اۋىل شارۋاشىلىعىنا 20 ميلليارد تەڭگە قوسىمشا قارجى ءبولۋ ۇسىنىلىپ وتىر. ونىڭ ىشىندە مال جانە قۇس شارۋاشىلىعىنا 11,5 ميلليارد تەڭگە، اۋىل شارۋاشىلىعى تاۋارلارىن وندىرۋشىلەردى قارجىلىق ساۋىقتىرۋعا 5 ميلليارد تەڭگە قاراستىرىلعان.

وسى ورايدا دەپۋتات 2008-2009 - جىلدارداعى داعدارىس كەزىندە اۋىل شارۋاشىلىعى سالاسى وسىمگە قول جەتكىزگەنىن اتاپ ءوتتى.

 اتاپ ايتقاندا، كوكتەمگى ەگىس جۇمىستارىنا جانە ەگىن وراعىنا دايىندىق شارالارىن قارجىلاندىرۋدىڭ جالپى كولەمى 97 ميلليارد تەڭگەنى قۇرادى. اۋىل شارۋاشىلىعى تەحنيكاسىنىڭ ليزينگ باعدارلاماسى بويىنشا 28,5 ميلليارد تەڭگە بولىنەدى. بۇل باعىتتا 1610 تەحنيكانى جەتكىزۋ جوسپارلانىپ وتىر.

 ەستەڭىزگە سالا كەتەيىك، بيىلعى 11 - اقپانداعى مەملەكەت باسشىسىنىڭ قاتىسۋىمەن وتكەن ۇكىمەت وتىرىسىندا ەل ەكونوميكاسىنىڭ قالىپتاسقان جاعدايى تالقىلانىپ، 2015-2017 - جىلدارعا ارنالعان بيۋدجەتتى وڭتايلاندىرۋ ماسەلەسى قارالدى. وتىرىستا ەلباسى قازىرگى ەكونوميكالىق احۋالعا بايلانىستى «نۇرلى جول» باعدارلاماسىن داعدارىسقا قارسى جاڭا شارالارمەن تولىقتىرىپ، اگروونەركاسىپتىك كەشەندى مەملەكەتتىك قولداۋدى ۇلعايتۋعا تاپسىرما بەردى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى