ش ق و اكىمى 97 جاستاعى قارياعا ايپاد پلانشەتىن سىيعا تارتتى
ش ق و اكىمى 97 جاستاعى قارياعا iPad سىيعا تارتتى.
جەڭىستىڭ 70 جىلدىعى قارساڭىندا قازاقستان ۇ و س ارداگەرلەرىن قۇتتىقتاۋدى باستاپ تا كەتتى. رەسپۋبليكانىڭ بارلىق ءوڭىر باسشىلارى ارداگەرلەردى ارالاپ، ولارعا مەملەكەت باسشىسى نۇرسۇلتان نازاربايەۆتىڭ اتىنان جاڭاجىلدىق سىيلىقتار تابىستايدى.
شىعىس قازاقستاندا ءوڭىر باسشىسى دانيال احمەتوۆ وبلىس ورتالىعىنداعى ارداگەرلەر ۇيلەرىنە بارىپ، ەلباسى قۇتتىقتاۋى مەن پرەزيدەنت جايلى كىتاپتى، جاڭا جىلدىق سىي- سىياپاتپەن تولتىرىلعان سەبەت جانە سوڭعى ۇلگىدەگى iPad پلانشەتىن تارتۋ ەتتى.
وبلىس اكىمى ءبىرىنشى قابدۋ قارمەنوۆتىڭ ۇيىنە باردى. ارداگەر 97 جاستا، ال زايىبى زاكەن ساحانوۆا 94 جاستا. ولار قوناقتارعا سوعىس جىلدارىنداعى اۋىر كەزەڭدى اڭگىمەلەپ بەردى. ولار 10 بالا ءوسىرىپ، تاربيەلەگەن. قازىر 22 نەمەرە مەن 4 شوبەرە ءسۇيىپ وتىر.
ارداگەرلەر ەلباسىنا وزدەرىن ۇنەمى نازارىندا ۇستايتىندىعى ءۇشىن العىس سەزىمدەرىن ءبىلدىردى.
«مەملەكەت قامقورلىعىن ۇنەمى سەزىنىپ كەلەمىز. ءبىر تۋ استىندا كوپ ۇلتتى وكىلدەردىڭ جۇمىلا ءومىر سۇرۋىنە ىقپالى زور ەلباسىمىز ەلدىڭ گۇلدەنۋى، يگىلىگى ءۇشىن كوپ نارسە جاسادى. بۇگىنگى قۇتتىقتاۋىنا دا ەرەكشە ريزامىز»، - دەيدى ارداگەرلەردىڭ ءبىرى دميتري موسكالسوۆ.
