دەنساۋلىق ساقتاۋ جۇيەسىنىڭ رەيتينگىندە قازاقستان 96 ەلدىڭ ىشىندە نەشىنشى ورىندا

Ranking.kz پورتالىنىڭ مالىمەتىنشە، يندەكس 100 گە جاقىنداعان سايىن دەنساۋلىق ساقتاۋ جۇيەسى جاقسى دەپ سانالادى.

رەيتينگتە دەنساۋلىق ساقتاۋ ماماندارىنىڭ دەڭگەيى، قۇرال-جابدىقتار، پەرسونال، دارىگەرلەر مەن قىزمەتتەردىڭ قۇنى باعالانادى.

ت م د ەلدەرىنىڭ ىشىندە رەسەي، ارمەنيا، ۋكراينا، ازەربايجان جانە بەلارۋس ەلدەرىنىڭ كورسەتكىشتەرى قازاقستاننان تومەن.

رەيتينگتىڭ باسىندا تايۆان، وڭتۇستىك كورەيا جانە جاپونيا تۇرسا، سوڭعى ورىنعا مالتا جايعاسقان.

قىركۇيەك ايىنىڭ قورىتىندىسىندا ەلىمىزدە امبۋلاتورلىق قىزمەتتەردىڭ باعاسى ءبىر جىلدا 15,1 پايىزعا ءوستى.

وڭىرلەر بويىنشا ەڭ جوعارى ءوسىم تۇركىستان (27,5 پايىز)، قاراعاندى (24,8) جانە ۇلىتاۋ (22,7) وبلىستارىندا تىركەلدى.

امبۋلاتورياداعى دارىگەر ماماندار قىزمەتى 18,2، دارىگەردىڭ العاشقى قابىلداۋى 16,8، ستوماتولوگيا قىزمەتى 15,1، مەديتسينالىق زەرتحانالار مەن رەنتگەن كابينەتتەرىنىڭ قىزمەتى 10,2 پايىز قىمباتتادى.

2022-جىلدىڭ ەكىنشى توقسانىندا دەنساۋلىق ساقتاۋ قىزمەتىنىڭ كولەمى 733,4 ميلليارد تەڭگەنى قۇرادى. بۇل وتكەن جىلدىڭ سايكەس كەزەڭىمەن سالىستىرعاندا اقشالاي تۇردە 2,7 پايىز از.

وڭىرلەر بويىنشا قىزمەت كورسەتۋدىڭ ەڭ ۇلكەن كولەمى الماتىعا تيەسىلى - 140,3 ميلليارد تەڭگە. ۇزدىك ۇشتىككە ەلوردا (106,7 ميلليارد تەڭگە) مەن قاراعاندى وبلىسى (49 ميلليارد تەڭگە) كىردى.

ەڭ از قىزمەت كورسەتۋ كولەمى ۇلىتاۋ وبلىسىندا بايقالدى - 4,7 ميلليارد تەڭگە.

ءۇش اۋتسايدەر قاتارىنا اباي جانە سولتۇستىك قازاقستان وبلىستارى دا بار - 16,3 ميلليارد جانە 18,2 ميلليارد تەڭگە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى