جوعارعى سوت ءتوراعاسى ق. ءمامي «قازاقپارات» ح ا ا 95 جىلدىعىمەن قۇتتىقتادى

 قۇرمەتتى داۋرەن كەڭەس ۇلى!

ءسىزدى جانە ۇجىمىڭىزدى ايتۋلى وقيعا - «قازاقپارات» اقپاراتتىق اگەنتتىگىنىڭ قۇرىلعانىنا 95 -جىل تولۋىمەن قۇتتىقتايمىن.

ءوزىنىڭ باي تاريحىندا اگەنتتىك ءتۇرلى برەندتەرىمەن ءوزىن دايەكتى، ساپالى اقپاراتتىڭ سەنىمدى كوزى رەتىندە كورسەتە ءبىلدى. بۇل جۇمىس  قازىر دە بەلسەندى جۇرگىزىلۋدە.

بۇگىندە «قازاقپارات» - حالىقارالىق ب ا ق، تىلشىلىك جەلىسى كەڭ، جەتەكشى شەتەلدىك اقپاراتتىق اگەنتتىكتەرمەن جاقسى ارىپتەستىك قاتىناسقا يە. تاۋلىك بويى، ونلاين رەجىمىندە ءتورت تىلدە اقپارات تاراتادى، ونىڭ ىشىندە اعىلشىن جانە قىتاي تىلىندە. بۇل اگەنتتىكتىڭ ەلدەگى مەديا كەڭىستىگىندە كوشباسشىلىق ۇستانىمعا يە ەكەندىگىن كورسەتەدى.

«قازاقپارات» ۇزاق ۋاقىتتان بەرى جوعارعى سوتتىڭ بەلسەندى اقپاراتتىق ارىپتەسى بولىپ تابىلاتىنى قۋانتادى. سىزدەردىڭ لەنتالارىڭىزدا سۋديا جۇمىستارىنىڭ ءار الۋان ساتتەرى تۇراقتى بەرىلىپ، ەلدىڭ سوت قىزمەتى جايلى وزەكتى اقپاراتتار جارىق كورەدى.

بارلىق جەتىستىكتەر اگەنتتىكتىڭ كاسىبي، دارىندى ۇجىمى ەڭبەگىنىڭ جەمىسى ەكەنىنىنە سەنىمدىمىن.

«قازاقپاراتقا» ەڭبەكتەرىنە جاڭا جەتىستىك، شىعارماشىلىق تابىس جانە يگى وقىرماندارىنىڭ كوپ بولۋىن تىلەيمىن.

 ىزگى تىلەكپەن، قايرات ءمامي

 استانا، 2015 -جىلعى 13 - تامىز 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى