تيان- شان پورتالى ۇجىمى «قازاقپاراتتى» 95 جىلدىق مەرەيتويىمەن قۇتتىقتادى
«قۇرمەتتى، «قازاقپارات» حالىقارالىق اقپارات اگەنتتىگىنىڭ ۇجىمى!
تيان-شان پورتالى ۇجىمىنىڭ اتىنان سىزدەردى «قازاقپاراتتىڭ» 95 جىلدىق مەرەيتويىمەن قۇتتىقتايمىز!
1920 -جىلى تامىز ايىندا قۇرىلعان «قازاقپارات» بۇگىندە قازاقستانداعى حالىقارالىق دارەجەدەگى بىردەن- ءبىر اقپاراتتىق اگەنتتىككە اينالىپ وتىر. وتكەن 95 جىلدىڭ ىشىندە اگەنتتىك قازاقستاندا بۇقارالىق اقپارات سالاسىندا ۇلكەن ەڭبەك ءسىڭىردى. سىزدەردىڭ الىس- جاقىن شەتەلدە، ءتىپتى بۇكىلالەمدىك دەڭگەيدە ءوز ورىندارىڭىز بار. سونداي-اق، «قازاقپارات» قازاقستان جانە ق ح ر- دىڭ ەكىجاقتى ىنتىماقتاستىعىنا ۇزاق ۋاقىت بويى زور ۇلەس قوسىپ كەلەدى جانە ق ح ر ش ۇ ا و ۇكىمەتىنىڭ رەسمي سايتى - تيان-شان پورتالىنىڭ ماڭىزدى ستراتەگيالىق ارىپتەسى بولىپ تابىلادى.
قىتاي مەن قازاقستاننىڭ دوستىق قارىم- قاتىناستارىنىڭ تامىرى تەرەڭدە جانە ۇنەمى دامۋ ۇستىندە. 2013 -جىلى قازان ايىندا «قازاقپارات» حا ا جانە تيان-شان پورتالى ءوزارا ارىپتەستىك قارىم- قاتىناستى ورناتتى. 2014 -جىلى ناۋرىز ايىندا «قازاقپارات» ءوزىنىڭ قىتاي تىلىندەگى نۇسقاسىن ىسكە قوستى. سايتتىڭ وسى نۇسقاسى قۇرىلعاننان كەيىن قىتاي تاراپىنان زور قىزىعۋشىلىققا يە بولىپ، قىتاي ءتىلدى اۋديتوريانىڭ نازارىنا ىلىكتى.
«قازاقپاراتتىڭ» قىتاي تىلىندەگى نۇسقاسى - ق ح ر- دىڭ قازاقستانمەن جانە ورتا ازيانىڭ باسقا دا مەملەكەتتەرىمەن ديپلوماتيالىق، ساياسي، ساۋدا- ەكونوميكالىق جانە ءبىلىم سالالارىنداعى بايلانىستارىن جان- جاقتى جانداندىرۋعا ىقپال ەتەتىن اقپاراتتىق كوپىر ىسپەتتەس. سونداي- اق، «قازاقپارات» ح ا ا مەن تيان- شان پورتالى اراسىنداعى ىنتىماقتاستىقتى نىعايتۋدا ماڭىزى زور دەپ باعالايمىز.
تيان-شان پورتالى «قازاقپاراتپەن» ەكىجاقتى قارىم- قاتىناستى ودان ءارى دامىتۋعا مۇددەلى. سونىمەن بىرگە، «قازاقپاراتپەن» ءوزارا تيىمدىلىك قاعيداتتارىن ۇستانا وتىرىپ، جان- جاقتى ىنتىماقتاستىق سالاسىنداعى ستراتەگيالىق سەرىكتەستىگىمىزدىڭ جاڭا دەڭگەيگە كوتەرىلگەنىن قالايمىز!
«قازاقپارات» حالىقارالىق اقپارات اگەنتتىگىنىڭ 95 جىلدىق مەرەيتويىنا ارنالعان شارالاردىڭ تابىستى وتۋىنە تىلەكتەسپىز!»، دەلىنگەن قۇتتىقتاۋدا.
