جاپونيانىڭ قازاقستانداعى ەلشىسى ماساەسي كاموحارا «قازاقپاراتتى» 95 جىلدىق مەرەيتويىمەن قۇتتىقتادى

قۇرمەتتى داۋرەن كەڭەس ۇلى!

ءسىزدى جانە ەڭبەك ۇجىمىڭىزدى شىن جۇرەكتەن اگەنتتىكتىڭ ايتۋلى 95 جىلدىق ماڭىزدى مەرەيتويىمەن قۇتتىقتايمىن.

قازىرگى ۋاقىتقا دەيىن ءسىز باسقارىپ وتىرعان اقپارات اگەنتتىگى جاپونيا تۋرالى ءتۇرلى وقيعالاردى جاريالاپ كەلدى، سونىڭ ارقاسىندا قازاقستاندىقتار زاماناۋي قازىرگى جاپونيانى تانىپ-ءبىلۋ مۇمكىندىگىنە يە بولدى. اسىرەسە، سوڭعى جىلدارى ءار جىلدارى قىزمەت ەتكەن سىرتقى ىستەر مينيسترلەرىمەن ءبىرقاتار سۇحباتتار جاريالاندى، ونىڭ ىشىندە مەنىڭ دە سۇحباتىم شىقتى، قازاقستاندىقتار جاپوندىق سىرتقى ساياسات تۋرالى كوبىرەك بىلە ءتۇستى. «قازاقپارات» ح ا ا- مەن تىعىز ىنتىماقتاستىقتىڭ ارقاسىندا ءبىزدىڭ ەل جايلى شىنايى، ناقتى اقپارات جەتكىزىلدى، بۇل ءىس ءارى قاراي دا جالعاسىن تاباتىن بولادى.

قازىرگى ۋاقىتپەن سالىستىرعاندا، 95 جىل بۇرىن مەديا كەڭىستىكتى نەگىزىنەن گازەتتەر مەن قاعاز باسىلىمدارى قۇرادى. الايدا قازىرگى ۋاقىتتا تەلەديدار، راديو، ينتەرنەت، ءتۇرلى اقپاراتتىق تەحنولوگيالار كەڭىنەن قولدانىلۋدا. قازىرگى جاعدايدا اگەنتتىك ءتۇرلى سالاداعى، اتاپ ايتقاندا ساياسات، ەكونوميكا، قوعام، ءبىلىم بەرۋ، مادەنيەت، سپورت جانە تاعى باسقا ۇكىمەتتىڭ رەسمي حابارلامالارىنان باستاپ بارلىق جاڭالىقتاردى جەدەل تاراتۋدى بەلسەندى جالعاستىرىپ كەلەدى. كەلەشەكتە دە ۇلكەن سەنىم ارتارلىق ءىرى قازاقستاندىق اقپاراتتىق اگەنتتىكتەردىڭ ءبىرى رەتىندە ءوز قىزمەتىن جالعاستىرا بەرەتىنىنە سەنىمىم مول.

اگەنتتىكتىڭ ودان ءارى دامىپ، گۇلدەنە بەۋىنە تىلەكتەسپىن، سىزگە دەنساۋلىق، ەڭبەكتە تابىس تىلەيمىن.

قۇرمەتپەن جاپونيانىڭ ق ر- داعى توتەنشە جانە وكىلەتتى ەلشىسى ماساەسي كاموحارا

2015-جىلعى 13- تامىز

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى