فوتورەپورتاج: قازاقپاراتتىڭ 95 جىلدىعى. 1- ءبولىم - تابيعات
جەدەل اقپاراتتار كوپ جاعدايدا وقيعا ورنىنان فوتورەپورتاجدارمەن سۇيەمەلدەنەدى. الايدا ءبىزدىڭ فوتو تىلشىلەرىمىز وقيعانى بارىنشا اسەرلى ەتىپ كورسەتۋ ءۇشىن دەرەكتى ءتۇسىرىلىم جاساپ قويماي، ماتەريالداردى اشىق كوركەم تۇسىرىلىمدەرمەن بەزەندىرۋگە تىرىسادى.
قازاقپارات جۋرناليستەرى قاي وڭىردەن جازسا دا، قايدا ءىس ساپارعا شىقسا دا، ولار جۇرت سۇيسىنە وقيتىن تىڭ تاقىرىپتاردى قامتۋدى باستى ماقساتى ەتەدى. ويى سەرگەك، كوڭىلى زەرەك - ىزدەنىمپازدىعى قارۋى بولعان جۋرناليستەر جۇمىستان تىس ۋاقىتتا دا شىعارماشىلىققا ۇمتىلىپ، كورگەنىنەن وي ءتۇيىپ جۇرەر قاسيەتىمەن ەرەكشە.
قازاقستاننىڭ كوز تارتاتىن اسەم كەلبەتىن، سىر- سيپاتىن، ساۋلەتتى عيماراتتارىن پاش ەتەتىن ەرەكشە كورىنىستەردى بەرۋدە ءبىزدىڭ فوتورەپورتاجدارىمىز ەلىمىزدىڭ تاڭعاجايىپ، ءسانى جاراسقان تابيعاتىنىڭ ەڭ تاماشا تۇستارىن كەلىستى ۇسىنا ءبىلدى. مۇندا كىشى شۆەيتساريا اتالىپ كەتكەن بۋراباي، جوڭعار الاتاۋى تاۋلارىنداعى قار قابىلانى، قورعالجىنداعى قىزىل قوقيقاز، ماڭعىستاۋداعى شەرقالا سىندى ۇلى دالانىڭ تەڭدەسسىز عاجايىپتارى قامتىلعان. 
