الماتى دارىگەرلەرى جامباس سۇيەگى سىنعان 94 جاستاعى اجەنى اياعىنا تىك تۇرعىزدى
باسپا ءسوز قىزمەتىنىڭ مالىمەتىنشە، دارىگەرلەر قارت اجەيگە سۇيەك سىنىقتارىنىڭ ىعىسۋى مەن وڭ جاق جامباس سۇيەگىنىڭ جابىق تۇردەگى سىنۋى دياگنوزىن قويدى. دارگەرلەر ناۋقاسقا سۇيەكتىڭ كۇردەلى سىنىقتارىن ەمدەۋگە ارنالعان جوعارى مەديتسينالىق تەحنولوگيانى قولدانا وتىرىپ وپەراتسيا جاسادى. وتاعا ورتوپەد- دارىگەر بەرىك وسپانوۆ جەتەكشىلىك ەتتى.
«جابىق رەپوزيتسيا- بۇل ءبىز سىنىق ورنىن تولىعىمەن اشپاي، ەكى كىشكەنتاي جىرىق ارقىلى شاعىن ينۆازيۆتى تاسىلمەن باقىلاۋشى رەنتگەن اپپاراتىمەن كىرىپ، سىنىقتاردى قالپىنا كەلتىرەمىز. وسى وپەراتسيانى جاساعان كەزدە سۇيەكتەر تەز تۇتاسادى. وپەراتسيا ءبىر ساعاتقا سوزىلىپ، ءساتتى اياقتالدى. كەلەسى كۇنى وپەراتسيادان سوڭ اجەمىز ءجۇرىس ارباسىمەن جىلجىپ قوزعالا باستادى. بۇگىن پاتسيەنت ساۋىعىپ ۇيىنە شىقتى»، - دەدى بەرىك وسپانوۆ.
اۆتور: الما مۇقانوۆا
