ديماش 93 جاسقا تولعان بيبىگۇل تولەگەنوۆانى تۋعان كۇنىمەن قۇتتىقتادى

«قازاق ءان ونەرىنىڭ نەگىزىن سالۋشى، تۇتاستاي ەلىمىزدىڭ ابىز اناسى تەك قۋانىشقا بولەنە بەرگەي! اپامىز بيىل 93 جاستا! ءالى ەسىمدە 2015 -جىلى «سلاۆيان بازارىنا» بارعالى جاتقاندا انالىق اق باتاڭىزدى بەرىپ تىلەۋىمدى تىلەدىڭىز. قىتاي ەلىندە دە، امەريكا ەلىندە دە، باسقا مەملەكەتتەردە دە جارىستا جۇرگەن كەزدەرىمدە ءارقاشان باتا بەرىپ شىعارىپ سالاتىن كەزدەرىڭىز ماڭگى ەسىمدە قالادى. قازاق ءان ونەرىنىڭ - اناسى ەكەندىگىڭىز ءسوزسىز. بيبىگۇل اپا، سىزگە، مىقتى دەنساۋلىق، ۇزاق عۇمىر، 95 جانە 100 جىلدىعىڭىزدى دۇركىرەتىپ اتاپ وتەيىك! ءسىزدىڭ كۇش جىگەرىڭىز، ەڭبەك ەتكەن جولدارىڭىز بارلىعى بىزگە، بارلىق جاستارعا ۇلگى ونەگە! قازاق قوعامى اپامىزدىڭ ونەرىن ساقتاپ، عاسىردان عاسىرعا جەتكىزۋ ءار ازاماتقا پارىز!»، - دەپ جازدى ءانشى جەلىدەگى پاراقشاسىندا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى