ق ر پرەزيدەنتتىگىنە ۇمىتكەر سايلاۋعا ءتۇسۋ ءۇشىن سايلاۋشىلاردىڭ كەمىندە 93 مىڭنان استام قولىن جيناۋى قاجەت

دەپ حابارلادى ق ر ورتالىق سايلاۋ كوميسسياسىنان.

 «ورتالىق سايلاۋ كوميسسياسى قازاقستان رەسپۋبليكاسىنىڭ پرەزيدەنتتىگىنە كانديداتتى قولدايتىن سايلاۋشىلاردىڭ دۇرىس قولدارىنىڭ سانى كەمىندە 93 مىڭ 12 قولدى قۇراۋى تيىستىگىن بەلگىلەدى. قولداردى جيناۋدى سەنىم بىلدىرگەن ادامدار ۇيىمداستىرادى. قولداردى جينايتىن توپتاردىڭ سانى مەن مولشەرى شەكتەلمەيدى»، - دەلىنگەن اقپاراتتا.

و س ك- ءنىڭ اقپاراتىنا سايكەس، قول قويۋ پاراقتارىن بەرۋ جانە ق ر پرەزيدەنتتىگىنە كانديداتتى قولداپ جينالعان قولداردىڭ راستىعىن تەكسەرۋ مەرزىمى قىسقارتىلعان. قول قويۋ پاراقتارىن ورتالىق سايلاۋ كوميسسياسى كانديداتتىڭ كونستيتۋتسيا مەن «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭدا بەلگىلەنگەن تالاپتارعا سايكەستىگى تەكسەرىلگەننەن كەيىن 2 كۇنتىزبەلىك كۇن ىشىندە بەرەدى. بۇعان دەيىن بۇل راسىمگە 5 كۇن جۇمسالاتىن.

«اۋماقتىق سايلاۋ كوميسسيالارىنىڭ كانديداتتى قولداپ جينالعان قولداردىڭ راستىعىن تەكسەرۋ مەرزىمى 10 كۇننەن 5 كۇنگە دەيىن قىسقارتىلدى»، - دەدى و س ك- دەن.

 اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى