استاناداعى كوشە اتاۋلارىنىڭ 93 پايىزى قازاق تىلىندە

بۇل تۋرالى بۇگىن تىلدەر فەستيۆالىنىڭ باستالۋىنا وراي وتكەن باسپا ءسوز ءماسليحاتىندا.

استانا قالاسى تىلدەردى دامىتۋ باسقارماسىنىڭ باسشىسى ەربول تىلەشوۆ ءمالىم ەتتى.

«استانا قالاسىنداعى كوشە اتاۋلارىنىڭ 93 پايىزى قازاق تىلىندە. ياعني ەلوردادا 934 كوشە بار بولسا، ونىڭ نەگىزگى بولىگىنە مەملەكەتتىك تىلدە اتاۋ بەرىلدى. قازاقستاننىڭ ەشبىر قالاسىندا وسىنداي دەڭگەيدە قامتىلماعان»، - دەدى باسقارما باسشىسى.

ە. تىلەشوۆ قالا كوشەلەرىنە ەلىمىزدىڭ بارلىق وڭىرلەرىنىڭ اتاۋلارى بەرىلگەنىن، وسى ارقىلى دا ۇلتتىق سانانى ادامعا سىڭىرۋگە بولاتىندىعىن اتاپ ءوتتى.

بۇدان بۇرىن حابارلانعانداي، بۇگىن قازاق ءتىلى ءبىلىمىنىڭ اتاسى، قازاق ۇلتىنىڭ ۇستازى - احمەت بايتۇرسىن ۇلىنىڭ تۋعان كۇنىنە ورايلاستىرا ەلوردادا جىل سايىنعى ءداستۇرلى تىلدەر فەستيۆالى باستالدى. شارانىڭ ماقساتى - مەملەكەتتىك ءتىلدى ۇلىقتاۋ، قازاقستاندا ءومىر سۇرەتىن حالىقتاردىڭ تىلىنە نازار اۋدارۋ، ۇلتتىق قۇندىلىقتاردى دارىپتەۋ.

فەستيۆال اياسىندا قىركۇيەكتىڭ 19 ىنا دەيىن ءتۇرلى شارالار ۇيىمداستىرىلماق. بۇل تۇرعىدا «ۇزدىك جارناما» بايقاۋى، «وتان - وتباسىنان باستالادى» مەرەكەلىك ءىس-شاراسى، قازاقستان جازۋشىلار وداعىنىڭ مەرەيتويىنا ارنالعان جاس اقىندار ءمۇشايراسى، سونداي- اق بالۋان شولاقتىڭ 150 -جىلدىعىنا ارنالعان ادەبي-سازدى كەش، «كەمەل ءتىلدىڭ كەلەشەگى» اتتى جاستار اكسياسى، «مەملەكەتتىك ءتىل - مەملەكەتتىك قىزمەتتە» اتتى مەملەكەتتىك قىزمەتشىلەر اراسىندا بايقاۋ قامتىلعان.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى