جانار- جاعارماي قۇيۋ بەكەتتەرىندە ا ي-92 بەنزينى نەگە ارزاندامايدى؟

«كەرىسىنشە، ءبىز ا ي-92 ماركالى بەنزين باعاسىنىڭ تۇراقتىلىعىن ۇستاپ تۇرمىز. قازىرگى مىندەت - سول باعانى ساقتاپ قالۋ. ا ي-92 باعاسى 182 تەڭگەدەن باستاپ، كەيبىر وڭىرلەر 187 تەڭگەگە بەلگىلەۋگە ءماجبۇر بولدى. سەبەبىن تۇسىندىرەيىن. مىسالى، ش ق و، بۇل ءوڭىر مۇناي وڭدەۋ زاۋىتتارىنان شالعاي ورنالاسقان. ياعني بەنزيندى جەتكىزۋ تەك اۆتوۆوزدارمەن جۇزەگە اسىرىلادى. تەمىرجول قاتىناسى جوق. سوندىقتان جەكەلەگەن وڭىرلەردە ا ي-92 بەنزينى باعاسىن 187 تەڭگەگە دەيىن كوتەرۋگە كەلىستىك»، - دەدى بولات اقشولاقوۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ءمينيستردىڭ ايتۋىنشا، بۇگىندە اتالعان بەنزين ماركاسىنىڭ باعاسىن تومەندەتۋ مىندەتى تۇرعان جوق.

«ەندىگى ماسەلە - وسى باعانى ساقتاپ قالۋ. بىزدە كەيبىر ەلدەرمەن سالىستىرعاندا باعا ايىرماشىلىعى 100 تەڭگە جانە ودان جوعارىلاعانىن ەسكەرسەك، ونىڭ ۇستىنە باعانى تومەندەتەتىن بولساق، وندا ديزەل وتىنى بويىنشا تاپشىلىق تۋىندايدى. سوندىقتان باعا ءوسىپ جاتقاندا ونى تومەندەتۋ بەلگىلى ءبىر تاۋەكەلكە اكەلۋى مۇمكىن»، - دەيدى ول.

بۇعان دەيىن ەنەرگەتيكا ءمينيسترى «تاريفتى ينۆەستيتسياعا ايىرباستاۋ» جوباسى تۋرالى ايتىپ بەرگەن ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى