قاراعاندى وبلىسىنىڭ 92 اۋىلىندا دەنساۋلىق ساقتاۋ نىساندارى سالىنادى

سونىمەن قاتار، مامانداندىرىلعان ورتالىقتارى بار ەكى اۋدانارالىق اۋرۋحانا جوباسى ازىرلەندى، دەپ حابارلايدى قازاقپارات ءتىلشىسى.

مەديتسينالىق كومەكتىڭ قولجەتىمدىلىگى مەن ساپاسىن ارتتىرۋ شارالارى جايىندا دەنساۋلىق ساقتاۋ باسقارماسى باسشىسىنىڭ ورىنباسارى بيبىگۇل تولەگەنوۆا باياندادى.

«اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى اياسىندا وبلىستا الداعى ەكى جىلدا 92 نىسان سالىنادى: دارىگەرلىك امبۋلاتوريالار، فەلدشەرلىك- اكۋشەرلىك جانە مەديتسينالىق پۋنكتتەر(ف ا پ). ف ا پ- تار تەز تۇرعىزىلاتىن عيماراتتاردىڭ جاڭا تەحنولوگيالارى بويىنشا ورىندالادى، بۇل - مودۋلدىك قۇرىلىس»، - دەپ حابارلادى سپيكەر.

بيبىگۇل تولەگەنوۆا سونداي-اق اۋىلدىق اۋدانداردىڭ تۇرعىندارىنا قىزمەت كورسەتۋگە ارنالعان اۋدانارالىق اۋرۋحانالاردىڭ جوباسىن ۇسىندى.

ولاردى بالقاش پەن تەمىرتاۋدا جۇمىس ىستەپ تۇرعان كوپبەيىندى اۋرۋحانالار بازاسىندا قۇرۋ جوسپارلانىپ وتىر.

مامانداندىرىلعان بولىمشەلەردى - ينسۋلت، كارديولوگيالىق، پەريناتالدىق ورتالىقتاردى، وڭالتۋ، تراۆماتولوگيا، حيرۋرگيا بولىمشەلەرىن جابدىقتاۋ كوزدەلگەن.

بۇل رەتتە مامانداندىرىلعان مەديتسينالىق كومەك الۋ ءۇشىن اۋىل تۇرعىندارىنا وبلىس ورتالىعىنا بارۋدىڭ قاجەتى بولمايدى.

سونىمەن قاتار، ەكى قالا دا رەسپۋبليكالىق تاس جولدا ورنالاسقان. جول- كولىك وقيعاسىنان زارداپ شەككەندەردى تەزىرەك جەتكىزىپ، شۇعىل كومەك كورسەتۋگە بولادى.

بۇگىنگى كۇنى وبلىستا 7 ورتالىق اۋداندىق اۋرۋحانا، 59 وتباسىلىق- دارىگەرلىك امبۋلاتوريا، 40 ف ا پ جانە 150 مەديتسينالىق پۋنكت اۋىل تۇرعىندارىنا مەديتسينالىق كومەك كورسەتەدى.

مەديتسينالىق ۇيىمدارعا كۇردەلى جوندەۋ جانە جابدىقتاردى جاڭعىرتۋ كەزەڭ- كەزەڭىمەن جۇرگىزىلۋدە. بيىل التى ف ا پ سالۋ جوسپارلانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى