«قىزىل» ايماقتاعى ءبىر وبلىسىتان 92 ادام كوروناۆيرۋس جۇقتىردى

اتىراۋ وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى تاراتقان اقپاراتقا قاراعاندا، وتكەن تاۋلىكتە كوروناۆيرۋس جۇقتىرعان ناۋقاستاردىڭ اراسىندا اتىراۋ قالاسىنان 24 ادام بار. تەڭىز كەنىشىندە - 57 جۇمىسشىدان، قۇرمانعازى اۋدانىندا - 11 ادامنان كوروناۆيرۋس انىقتالعان. ونىڭ ىشىندە 14 ناۋقاستا قاۋىپتى ۆيرۋستىڭ سيمپتومدارى تابىلعان.

«وتكەن تاۋلىكتە 134 ادام قاۋىپتى ىندەتتەن جازىلىپ شىقتى. قازىر 240 ادام ءۇي جاعدايىندا ەمدەلۋدە. وبلىستىق ينفەكسيالىق ستاتسيوناردا 98، ال اۋداندارداعى ستاتسيونارلاردا 27، تەڭىز كەنىشىندەگى ستاتسيوناردا 803 ادام ەم قابىلداپ جاتىر» - دەپ حابارلادى باسقارمانىڭ باسپا ءسوز قىزمەتىنەن.

ەسكە سالا كەتەلىك، بۇدان بۇرىن اتىراۋدا تەڭىز كەنىشى مەن بارلىق اۋداندا كوروناۆيرۋس جۇقتىرعاندار انىقتالعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى