استانادا اي-92 بەنزينى قىمباتتاپ جاتىر

اتالعان ماركالى بەنزيننىڭ ەڭ ارزانىن قازىر ەلوردادا «قازمۇنايگاز» جانار- جاعارماي قۇيۋ ستانسالارىنان عانا تابۋعا بولادى. اي-92 بەنزينى وندا ليترىنە 128 تەڭگەدەن ساتىلىپ جاتىر. الايدا ونى ساتىپ الۋدىڭ ءوزى مۇڭ.

«قازمۇنايگاز» بەكەتتەرىنىڭ باسىم بولىگى بەنزيندى تەك تالون ارقىلى بوساتىپ جاتىر. «قازاقپارات» ءتىلشىسى اتالمىش جاعدايعا بايلانىستى «ق م گ» كومپانياسىنا حابارلاسقان بولاتىن. ونداعىلار مۇنداي شارالار بەنزيننىڭ تاپشىلىعىنا وراي قولعا الىنىپ جاتقاندىعىن مالىمدەدى. سوندىقتان اي-92 بەنزينى تەك تالون جانە ق م گ- نىڭ كلۋب كارتالارى ارقىلى ساتىلۋدا.

ونىڭ ۇستىنە ءبىر كولىككە تەك 20 ليتردەن عانا ساتىلۋدا. «قازمۇنايگاز ونىمدەرى» كومپانياسىنا حابارلاسقانىمىزدا، بەنزيننىڭ كولەمىن شەكتەۋ بارىن راستادى، الايدا ول بارلىق بەكەتتەردە ەمەس ەكەندىگىن حابارلادى. ولار بەنزيننىڭ جەتىسپەۋشىلىگىن باعانىڭ تومەندىگىمەن بايلانىستىرۋدا، جۇرگىزۋشىلەر قالاداعى ەڭ ارزان بەنزينگە كەزەككە تۇرعان. سونىڭ سالدارىنان اي-92 بەنزينى جىلدام تاۋسىلۋدا.

جانار- جاعارماي ستانسالارىندا كەزەكتە تۇرعان كولىكتەر كوپ، بەنزين تاسىمالداۋشى كولىكتەر بەكەتتەرگە جانار- جاعارماي جەتكىزىپ ۇلگەرمەۋدە.

ەسكە سالا كەتەيىك، «قازمۇنايگاز» ستانسالارىندا اي-92 ماركالى بەنزينى سوڭعى رەت 27 -قازاندا - 125 تەڭگەدەن 128 تەڭگەگە قىمباتتاعان بولاتىن. اي-92 بەنزينىنىڭ باعالارى بۇگىندە «ويل» ستانسالارىندا كوتەرىلگەن. ەگەر جاقىندا عانا ونىڭ قۇنى ليترىنە 130 تەڭگە بولعان بولسا، قازىر ونىڭ باعاسى ليترىنە 135 تەڭگەگە جەتكەن.

سونىمەن قاتار جانار- جاعارماي قۇنى «نوماد ويل» ستانسالارىندا كوتەرىلدى. مۇندا بەنزين قۇنى 132 تەڭگە دەپ كورسەتىلگەن. ەڭ ارزان بەنزيندەردىڭ ءبىرى «Helios» جانار- جاعارماي ستانسالارىندا. 129 تەڭگەلىك اي-92 بەنزينىنە كەزەككە تۇرعاندار كوپ.

«اۋريكا» مەن «سينويل» بەنزيندەرىنىڭ قۇنى وزگەرگەن جوق - ليترى 131 تەڭگە. ايتا كەتكەن ءجون، 2015 -جىلدىڭ قىركۇيەك ايىندا قازاقستان اي-92 ي اي-93 ماركالى جانار- جاعارماي باعالارىنا مەملەكەتتىك رەتتەۋدى الىپ تاستادى. ال بيىل 28 -شىلدەدە ديزەل وتىنىنىڭ قۇنى دا ەركىندىككە جىبەرىلدى.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى