ق ر مەديتسينالىق جوعارى وقۋ ورنىنا ءوتۋ مەجەسى 92 بال - س. قايىربەكوۆا

«جالپى مەديتسينا» ماماندىعى بويىنشا ەڭ تومەنگى ءوتۋ بالىنىڭ مەجەسى 92 ءنى قۇرادى، دەپ حابارلادى سەمەي مەديتسينالىق ۋنيۆەرسيتەتىنىڭ ستۋدەنتتەرىمەن كەزدەسۋدە ق ر دەنساۋلىق ساقتاۋ جانە الەۋمەتتىك دامۋ ۆيتسە- ءمينيسترى ساليدات قايىربەكوۆا.

«قازاقستان جولى - 2050: ءبىر ماقسات، ءبىر مۇددە، ءبىر بولاشاق» اتتى مەملەكەت باسشىسىنىڭ قازاقستان حالقىنا جولداۋىن ءتۇسىندىرۋ بويىنشا وڭىرگە جۇمىس ساپارى بارىسىندا س. قايىربەكوۆا مەديتسينالىق ۋنيۆەرسيتەت مەد ورتالىعىنىڭ كارديوحيرۋرگيالىق بولىمشەسىن، كونسۋلتاتيۆتىك- دياگنوستيكالىق ورتالىعىن ارالادى، ۋنيۆەرسيتەتتىڭ ءبىتىرۋشى كۋرسىنىڭ ستۋدەنتتەرىمەن كەزدەستى.

ساليدات قايىربەكوۆا كەزدەسۋدە ستۋدەنتتەردى دايارلاۋ ساپاسىن ارتتىرۋ ماڭىزدىلىعىنا باسا نازار اۋداردى.

مەديتسينالىق مامانداردىڭ تاپشىلىعى پروبلەماسىن شەشۋگە قاتىستى س. قايىربەكوۆا تۇلەكتەردى جۇمىسقا ورنالاستىرۋ ناتيجەسى بويىنشا 2014 - جىلى مەديتسينالىق ماماندار تاپشىلىعىن 30 پايىزعا قىسقارتۋ كۇتىلىپ وتىرعاندىعىن ءمالىم ەتتى.

 مينيسترلىك سونداي- اق كادرلاردىڭ بىلىكتىلىگىن ارتتىرۋعا كوپ كوڭىل بولۋدە. رەسپۋبليكالىق بيۋدجەت اياسىندا جىل سايىن كەمىندە 20 پايىز مامانداردى وقىتۋ كوزدەلگەن، بۇل 5 جىل ىشىندە ەلدىڭ بارلىق مەديتسينالىق قىزمەتكەرلەرىن، ەل ىشىندە، شەتەلدە، سونداي- اق شەتەل ماماندارىن تارتا وتىرىپ، وقىتۋعا مۇمكىندىك بەرەدى. رەسپۋبليكالىق ءبىلىم جانە عىلىم ۇيىمدارىندا سوڭعى 3 جىلدا 100 مىڭنان استام ماماندار وقىتىلدى. شەتەلدە وقىتۋعا 600 دەن استام قازاقستاندىق ماماندار جىبەرىلدى. وقىتۋ جاپونيا، ا ق ش، گەرمانيا، فرانسيا، دانيا، وڭتۇستىك كورەيا جانە ت. ب. ەلدەردە جۇزەگە اسىرىلدى. ۇزدىك شەتەل ماماندارىن شاقىرتىپ، شەبەرلىك سىنىبىن وتكىزۋ تاجىريبەسى كەڭىنەن ەنگىزىلۋدە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى