ءۇندىستاندا سۋ تاسقىنىنان 91 ادام قايتىس بولدى
UNESCO- نىڭ الەمدىك مۇرالار تىزىمىنە ەنەتىن كازيرانگا ۇلتتىق پاركىندە تاسقىننان 12312 ءمۇيىزتۇمسىق، 93 بۇعى، 4 جابايى ەنەكە (بۋيۆول) جانە باسقالارى مەرت بولدى. بىرنەشە كۇن بۇرىن باستالىپ، ءالى توقتاماعان جاۋىن- شاشىن سالدارىنان براحماپۋترا وزەنى مەن ونىڭ سالالارىنداعى سۋ دەڭگەيى كوتەرىلىپ جاتىر. گۋۆاحاتي قالاسىندا براحماپۋترا وزەنىنىڭ دەڭگەيى قاۋىپتى مولشەردەن 49,68 مەترگە اسىپ كەتتى. سۋ دەڭگەيى ءالى دە كوتەرىلىپ جاتىر. سۋمەن قامتۋ ورتالىق كوميسسياسىنىڭ قىزمەتكەرى سارات چاندرا كاليتا India Today تەلەارناسىنا بەرگەن سۇحباتىندا گۋۆاحاتي قالاسىنداعى براحماپۋترا وزەنىنىڭ دەڭگەيى 19 - شىلدە كۇنى كوتەرىلە باستاعانىن مالىمدەدى. ايتا كەتسەك، قازىرگى ۋاقىتتا 2548 اۋىل سۋ استىندا قالدى. قۇتقارۋ توپتارى ءۇندىستاننىڭ سۋ تاسقىنىنان زارداپ شەككەن اۋداندارىنان 78317 ادامدى ەۆاكۋاتسيالادى. دەرەككوزدەرگە سايكەس، قازىرگى ۋاقىتتا ۇلتتىق كازيرانگ پاركىنىڭ 92 پايىزى سۋ استىندا قالعان.
