قازاقستاندا «نۇرلى جەر» باعدارلاماسى «باسپانا 91» دى ەكى ەسە وراپ كەتتى
ق ر يندۋستريا جانە ينفراقۇرىلىمدىق دامۋ ۆيتسە- ءمينيسترى قايىربەك وسكەنبايەۆتىڭ ايتۋىنشا، بۇگىندە قازاقستان تۇرعىن ءۇي قۇرىلىسى جاعىنان پوستكەڭەستىك ەلدەردىڭ ىشىندە وق بويى وزىق كەلەدى. وتكەن جىلى ءبىر ادامعا شاققاندا 0,68 شارشى مەتر باسپانا پايدالانۋعا بەرىلدى. بۇل - ت م د مەملەكەتتەرى اراسىنداعى ەڭ جوعارى كورسەتكىش. ماسەلەن، رەسەيدە - 0,54 شارشى مەتر، بەلارۋستا - 0,40 شارشى مەتر، ال وزبەكستاندا ءبىر ادامعا شاققاندا جىلىنا 0,36 شارشى مەتر باسپانا سالىنادى.
«بىلتىر ءبىز 12,5 ميلليون شارشى مەتر تۇرعىن ءۇيدى سالىپ شىقتىق. ول ءبىر جىل بۇرىن بولعان كورسەتكىشتەن 12 پروتسەنتكە ارتىق. نەگىزى، وتكەن جىلى ءبىز رەكوردتىق كورسەتكىشكە جەتتىك. ماسەلەن، كەڭەستەر كەزىندە «باسپانا 91» دەگەن باعدارلاما بولدى. ونى كولبيننىڭ تۇسىندا قابىلداعان بولاتىن. سول كەزدە قازاقستاندا جىلىنا ەڭ كوپ دەگەندە 6,5 ميلليون شارشى مەتر تۇرعىن ءۇي سالىندى. ارينە، بۇل جەردە «قازىرگى قۇرىلىس قارقىنىمەن بارلىعىن باسپانامەن نەگە قامتاماسىز ەتپەيدى؟ » دەگەن زاڭدى سۇراق تۋىندايدى. دەگەنمەن، ماڭىزدى ءبىر ماسەلەنى ەسكەرۋ كەرەك. ءبىز 91- جىلى جاڭاعى 6,5 ميلليون شارشى مەتردى سالدىق تا، ودان كەيىن قۇرىلىس قارقىنى كۇرت تومەندەدى. 1992-1999 -جىلدار ارالىعىندا قۇرىلىستىڭ كولەمى 1,2 ميلليون شارشى مەترگە دەيىن ءتۇسىپ كەتتى. ال 2000 -جىلدان باستاپ اتالعان كورسەتكىش بىرتىندەپ كوتەرىلە باستادى. بۇگىندە قازاقستاندا قۇرىلىس قارقىنى جىل سايىن 1-1,5 ميلليون شارشى مەترگە ۇلعايىپ وتىر. الداعى ۋاقىتتا 13 ميلليونعا دەيىن جەتەتىن ويىمىز بار. سونىڭ ارقاسىندا شامامەن 118 مىڭ وتباسى باسپانالى بولا الادى» ، - دەدى ق. وسكەنبايەۆ بۇگىن مەملەكەتتىك قىزمەتتى جاڭا فورماتتا قالىپتاستىرۋعا ارنالعان پانەلدىك سەسسيادا.
ۆيتسە- ءمينيستردىڭ ايتۋىشا، بۇگىندە باسپانامەن قامتاماسىز ەتۋ سالاسىنداعى بارلىق شارالار «نۇرلى جەر» باعدارلاماسى اياسىندا اتقارىلادى. سونىڭ ىشىندە ارەندالىق باسپانا، تۇرعىن ءۇي جيناقتارى، «7-20-25» باعدارلاماسى جانە تاعى باسقا تەتىكتەر بار. ال تۇرعىن ءۇي قۇرىلىس جيناق بانكى باسپانا الۋدىڭ ءتيىمدى تەتىگى بولىپ سانالادى. سول سەبەپتى اتالعان باعىتتا بيۋدجەتتەن قىرۋار قارجى ءبولىنىپ تۇرادى.
ايتا كەتەيىك، سەسسيا كەزىندە ۆيتسە- مينيستر ق. وسكەنبايەۆ بارلىق قازاقستاندىقتاردى باسپانامەن قامتۋعا قاجەتتى قاراجات سوماسىن دا جاريالادى.
«487 مىڭ ادامنىڭ ماسەلەسىن ءبىرجولا شەشۋگە، ءدال قازىر 4 تريلليون 887 ميلليارد تەڭگە كەرەك بولىپ تۇر. ونىڭ ينفراقۇرىلىمى 20 پايىز. سوندا كەزەكتە تۇرعان ازاماتتاردىڭ باسپانا ماسەلەسىن بىردەن شەشۋ ءۇشىن رەسپۋبليكالىق نەمەسە جەرگىلىكتى بيۋدجەتتەن 6 تريلليون تەڭگەدەي اقشانى ءقازىر قولما- قول جۇمساۋ قاجەت» ، - دەيدى ق. وسكەنبايەۆ.
