ءمايىتحانادا 91 جاستاعى كەيۋانا ءتىرىلىپ كەتتى
ليۋبلين ۆويەۆوداسىنداعى وستروۆ ليۋبەلسكي قالاشىعىندا تۇراتىن 91 جاستاعى يانينا كولكيەۆيچ كوز جۇمدى دەپ حابارلانىپ، ونىڭ ولگەندىگى تىركەلگەن.
تۋعان-تۋىستارى بولسا، مارقۇمدى سوڭعى ساپارعا شىعارىپ سالۋعا دايىندالىپ، مۇردەنى ءمايىتحاناعا اپارعان.
توڭازىتقىشتا بىرنەشە ساعات جاتقان يانينا كولكيەۆيچ سالىنعان قاپشىق كەنەتتەن قيمىلداي باستاعان. مۇندايدى كورمەگەن ءمايىتحانا قىزمەتكەرلەرىنىڭ تاڭدانباسقا شاراسى دا جوق ەدى.
كەيۋانانىڭ تۋىستارىنىڭ ايتۋىنشا، شامامەن ءتۇن ورتاسىنان اۋعان شاقتا بىرەۋلەر ەسىك قاققان. تابالدىرىقتا ءمايىتحانا قىزمەتكەرى تۇر. ول بولعان جايتتى جەتكىزدى.
ۇيگە كەلگەن سوڭ يانينا كولكيەۆيچ قاتتى توڭعاندىعىنا شاعىمدانىپ، ءبىر كەسە ىستىق شاي سۇراعان.
ونىڭ ءولىمىن تىركەگەن 30 جىلدىق ەڭبەك ءوتىلى بار دارىگەر قارتتىڭ تىنىس الماعاندىعىن، جۇرەگىنىڭ سوعۋى توقتاعاندىعىن، قايتىس بولعاندىعىنا ەش كۇمانى بولماعاندىعىن ءمالىم ەتتى.
