ەلوردا تۇرعىنى الەۋمەتتىك جەلى ارقىلى تانىسقان ادامعا الدانىپ، 90 ميلليون تەڭگە اۋدارىپ جىبەرگەن

الاياقتىق جاساعان اتالعان ادام انىقتالىپ، ۇستالدى. ول استانا قالاسى الماتى اۋدانى №2 اۋداندىق سوتىنىڭ 2023 -جىلعى 11-قاڭتارداعى ۇكىمىمەن 5 جىلعا باس بوستاندىعىنان ايىرىلدى.

استانا قالاسى سوتىنىڭ باسپا ءسوز قىزمەتىنىڭ مالىمەتىنە قاراعاندا، الەۋمەتتىك جەلى ارقىلى حات الماسۋ كەزىندە ەر ادام ءوزىنىڭ سەزىمىن ءبىلدىرىپ، ۇناتىپ قالعانىن ايتقان.

«ول ءوزىن بانكروتتىق ساتىدا تۇرعان زاۋىت ديرەكتورى ەكەنىن جانە باسقا دا شىندىققا جاناسپايتىن دەرەكتەر ايتقان. ياعني جاقىن تۋىستارىنىڭ قايتىس بولعانىن حابارلاپ، شۇعىل تۇردە اقشا كەرەك ەكەنىن ايتىپ، ايەل ادامدى الداعان»، - دەلىنگەن سوت مالىمەتىندە.

ءوز كەزەگىندە الدانىپ قالعان ايەل ادام بەلگىلى ءبىر ۋاقىت ارالىعىندا وعان ونلاين اۋدارىمدار ارقىلى ءتۇرلى سومادا اقشا جىبەرىپ وتىرعان. وسى ورايدا وعان 91,6 ميلليون تەڭگە سوماسىندا ماتەريالدىق زالال كەلتىرگەن.

اپەللياتسيالىق شاعىمىندا سوتتالعان ادام تاعايىندالعان جازانى جەڭىلدەتۋدى، اسىراۋىندا كامەلەتكە تولماعان 5 بالانىڭ بار ەكەنىن، زايىبىنىڭ جۇمىس ىستەمەيتىنىن، سونداي- اق دەنساۋلىق جاعدايىن ەسكەرۋدى سۇرادى.

الايدا سوت ۇكىمى وزگەرىسسىز قالدى. ۇكىم زاڭدى كۇشىنە ەندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى