ءۇندىستاندا 90 عا جۋىق ادام زيكا بەزگەگىن جۇقتىردى
جەرگىلىكتى دەنساۋلىق ساقتاۋ دەپارتامەنتىنىڭ دەرەگىنە قاراعاندا، اۋرۋدىڭ كوپ بولىگى كانپۋر قالاسىندا تىركەلگەن. دۇيسەنبىدەگى جاعداي بويىنشا كەم دەگەندە 89 ادام، ونىڭ ىشىندە 17 بالا زيكا ۆيرۋسىنا وڭ ناتيجە بەردى، دەپ حابارلادى دەپارتامەنت.
ءبىرىنشى جاعداي 23 قازاندا انىقتالدى، سودان بەرى دەرت جۇقتىرعاندار سانى تۇراقتى تۇردە ءوسىپ كەلەدى.
زيكا - اسىرەسە بالالار، قارت ادامدار، سوزىلمالى اۋرۋعا شالدىققاندار، سونداي- اق اياعى اۋىر ايەلدەر ءۇشىن قاۋىپتى. اۋرۋدى شىبىن- شىركەي تاراتادى. ءۇندىستاندا جاڭبىرلى ماۋسىم اياقتالىپ كەلەدى، بۇل كەزدە بۇل جاندىكتەردىڭ سانى كۇرت ارتادى.
