پوليتسەيلەردىڭ جالاقىسى 90 پايىزعا دەيىن وسەدى

بۇل تۋرالى ماجىلىستەگى ۇكىمەت ساعاتىندا ق ر ىشكى ىستەر ءمينيسترى ەرلان تۇرعىمبايەۆ ايتتى، دەپ حابارلايدى قازاقپارات ءتىلشىسى.

«قىزمەتكەرلەردىڭ الەۋمەتتىك- ماتەريالدىق جاعدايىن كوتەرۋ بويىنشا ءىس- شارالار قابىلدانۋدا. بۇگىندە پوليتسيا قىزمەتكەرلەرىنىڭ جالاقىسى قۇقىق قورعاۋ ورگاندارى اراسىندا وتە تومەن. سوندىقتان مەملەكەت باسشىسىنىڭ تاپسىرماسىنا سايكەس، 2019 -جىلدان باستاپ كەزەڭ- كەزەڭمەن جالاقى كوتەرىلۋدە»، - دەدى مينيستر.

ونىڭ اتاپ وتۋىنشە، 2023 -جىلعا دەيىن پوليتسيا قىزمەتكەرلەرىنىڭ جالاقىسىن 50 دەن 90 پايىزعا دەيىن ءوسىرۋ كوزدەلگەن.

«وسىلايشا، سەرجانتتىڭ جالاقىسى 81 مىڭنان 140 مىڭ تەڭگەگە دەيىن، لەيتەنانت جالاقىسى 103 مىڭنان 174 مىڭ تەڭگەگە دەيىن ارتادى»، - دەدى ەرلان تۇرعىمبايەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى