حالىقارالىق ءتۋرنيردىڭ ۆيدەو-اڭداتپاسىنا 90 جاستاعى بوكسشى ءتۇستى - كەسكىن

بەينە جازبادا 2-6- ءساۋىر ارالىعىندا «اۆتوموبيليست» سپورت كەشەنىندە وتەتىن سايىس جونىندە ايتىلادى. اۋقىمدى بوكس تۋرنيرى بەلگىلى پاۆلودارلىق رافاەل ۆاحيتوۆتىڭ جۇلدەسى ءۇشىن وتەدى. بيىل ارداگەر بوكسشى 90 جاسقا كەلىپ وتىر.

ونىڭ باپكەرلىك مانسابى ۇ و س كەزىنەن باستالعان. رافاەل ۆاحيتوۆ مايداندا ماشينيست بولىپ ءجۇرىپ پولكتىك كوماندانى جاتتىقتىرعان. جىل وتكەننەن كەيىن سپورتشى باستاعان ءىسىن تاستاماي، بىرنەشە اعىمداعى چەمپيوندار تولقىنىن ءوسىردى.

ۆاحيتوۆتىڭ جۇلدەسى ءۇشىن وتەتىن حالىقارالىق تۋرنيرگە جىل سايىن قازاقستاننىڭ بارلىق وڭىرلەرىمەن قوسا، وزگە مەملەكەتتەردەن دە قاتىسۋشىلار سانى ارتۋدا. بۇگىنگى تاڭدا ۇيىمداستىرۋشىلارعا 120 عا جۋىق ءوتىنىش كەلىپ تۇسكەن. ولاردىڭ اراسىندا قازاقستان، قىرعىزستان، رەسەي، ۋكراينا، مونعوليا، وزبەكستان جانە سەربيا سپورت كلۋبتارى بار.

«تىركەۋ ءالى جالعاسۋدا. سوندىقتان قاتىسۋشىلار سانى كەز كەلگەن ۋاقىتتا كۇرت ءوسۋى مۇمكىن. مىسالى، وتكەن جىلى بۇل سايىسقا 80 گە جۋىق سپورتشى كەلگەن»، - دەدى «ەرتىس» بوكس كلۋبىنىڭ ديرەكتورى باتىرحان قالىقوۆ.

باتىرحان قالىقوۆتىڭ ايتۋىنشا، اتالمىش تۋرنير پاۆلوداردا 2009-جىلدان باستاپ وتكىزىلىپ كەلەدى.

تۋرنير AIBA ەرەجەلەرىنە سايكەس وتكىزىلەدى. رينگتە 18 جاستان جوعارى سپورتشىلار 10 سالماق دارەجەسى بويىنشا جۇدىرىقتاسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى