ءدىن ىستەرى مينيسترلىگى: سيرياعا كەتكەندەردىڭ 90 پايىزى كەيىننەن وكىنىپ قالادى
اتالعان مينيسترلىك باسپا ءسوز قىزمەتىنىڭ مالىمەتىنە قاراعاندا، ن. ەرمەكبايەۆ سيرياعا كەتكەن ادامدار تۋرالى ماسەلە ۆەدومستۆو قۇزىرەتىنە كىرمەيتىنىن ءتۇسىندىردى. سەبەبى اتالعان ەلگە ءارتۇرلى ادامدار بارادى، نەگىزىنەن ولاردىڭ ساپارلارى ءدىني كوزقاراستارىنا بايلانىستى ەمەس.
«بۇل ادامدار يسلامنىڭ قۇندىلىقتارىن، سەنىم پوستۋلاتتارىن دۇرىس تۇسىنبەيدى. ءبىزدىڭ ەلدە كەز كەلگەن كونفەسسيالار مەن ءدىني سەنىمدەرگە جاعدايلار جاسالعان. ەشكىم دە قىسپاققا الىنعان ەمەس. ءدىندارلاردىڭ قۇقىقتارى قامتاماسىز ەتىلگەن. ءتيىستى ءدىني عيماراتتار تۇرعىزىلعان، سونداي- اق ەلدىڭ زاڭناماسىنا قايشى كەلمەسە، بۇلدىرگىش الەۋەتتى قامتىماسا، ولار وزدەرىنىڭ ادەبيەتتەرىن ەمىن- ەركىن وقي الادى. ال اتالعان ەلگە كەتەتىندەر نانىم- سەنىمنىڭ تۇسىنىگىن بۇرمالايدى. ولار ءوز كەزەگىندە زاڭدى بۇزۋشىلار بولادى»، - دەدى مينيستر ازاماتتاردىڭ ساۋالىنا جاۋاپ بەرۋ كەزىندە.
ەرمەكبايەۆتىڭ سوزىنە قاراعاندا، ءبىزدىڭ زاڭنامادا شەتەلگە بارىپ، لاڭكەستىك جانە باسقا دا زاڭعا قايشى ءىس- قيمىلدارعا قاتىسقان ادامداردى سوت شەشىمىمەن قازاقستاندىق ازاماتتىقتان ايىرۋ مۇمكىندىگىن قامتيتىن نورما قاراستىرىلعان.
«سول كەزدە وسى ادامدارعا كەرى قايتاتىن جول جابىق بولادى. سوندىقتان دا كەز كەلگەن ادام لاڭكەستىك ۇيىمداردىڭ ساپىنا كىرەردەن بۇرىن، الدىمەن ءوزىن جانە وتباسى مۇشەلەرىن وتانسىز جانە ازاماتتىقسىز قالدىرۋى مۇمكىن ەكەندىگىن ويلاۋى ءتيىس. اتاپ ايتقاندا، سيرياعا كەتكەندەردىڭ 90 پايىزى كەيىننەن وكىنىپ قالادى. ولاردىڭ ىشىندە كەيبىرى ءومىرى قيىلعاندىقتان ورالا المايدى، ال قالعاندارى جازادان قورقىپ، ەلگە كەلمەيدى. بۇل نەگىزى ادام تراگەدياسى. وسىنىڭ بارلىعى ينتەرنەتتە نەمەسە تانىستار ارقىلى جۇرگىزىلەتىن تەرىس ناسيحاتتىڭ سالدارى. قانداي دا ءبىر حاليفاتتا ءومىر ءسۇرۋدى ارماندايدى، الايدا ول شىن ءمانىن جوق. وندا كادىمگى قىلمىستىق توپتار بار، سايكەسىنشە سول جەردە زورلىق- زومبىلىق پەن ۇرلىق، سونداي- اق وزگە دە قىلمىستىق جاعدايلار ورىن الۋدا»، - دەدى ۆەدومستۆو باسشىسى.
اۆتور: رۋسلان عابباسوۆ
