گەرمانيا ۇشقىشى 90 جولاۋشىنى نەگە «ۇمىتىپ» كەتكەنىن ءتۇسىندىردى

ول قالادا تۇنگى ۇشۋلارعا سالىنعان تىيىم كۇشىنە ەنگەنگە دەيىن اۋە كەمەسىن ۇشىرۋعا اسىقتى، دەپ حابارلادى اۆياجەلىسىنىڭ وكىلى، دەپ جازدى ر ي ا نوۆوستي.

بۇدان بۇرىن Eurowings كومپانياسىنىڭ ۇشاعى ديۋسسەلدورف اۋەجايىنان بورتقا 90 جولاۋشىسىن وتىرعىزۋدى ۇمىتىپ، ۇشىپ كەتكەنى جايلى حابارلانعان بولاتىن. ۇشاققا جولاۋشىلاردى 2 اۆتوبۋسپەن جەتكىزۋ كەرەك بولعان. ءبىرىنشى اۆتوبۋستاعى 40 تاي جولاۋشى بورتقا ءمىنىپ ۇلگەرگەن. الايدا ەكىنشى اۆتوبۋستا بولعان 90 جولاۋشى ۇشاققا مىنبەگەن.

«ول (ۇشقىش - رەد. ) درەزدەنگە جولاۋشىلاردىڭ ءبىر بولىگىن جەتكىزۋ ءۇشىن كەلىسىم بويىنشا ەرتەرەك ۇشتى»، - دەگەن Eurowings وكىلىنىڭ سوزدەرىن Rheinische Post باسىلىمى كەلتىردى. اۆياجەلىسىنىڭ وزگە وكىلىنىڭ ايتۋىنشا، ساعات 21.49 دا ۇشۋعا دايىن بولماعان ۇشاقتارعا اۋەگە كوتەرىلۋگە تىيىم سالىنعان.

باسىلىم دەرەكتەرىنە سايكەس، بورتتىڭ ۇشۋى ەكى ساعاتقا كەشىككەن. ول جەرگىلىكتى ۋاقىتپەن ساعات 19.05 تە ۇشىرىلادى دەپ جوسپارلانعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى