ورالدا «دينامو» سپورت قوعامىنىڭ 90 -جىلدىعى مەرەكەلەندى - فوتو

وندا ب ق و ىشكى ىستەر دەپارتامەنتى باستىعىنىڭ ورىنباسارى، پوليتسيا پولكوۆنيگى بەرىك وتەۋلين قوعام مۇشەلەرىن مەرەكەمەن قۇتتىقتاپ، يگى تىلەگىن ءبىلدىردى.

سالتاناتتا اتالىپ وتىلگەنىندەي، «دينامو» قوعامى وبلىستىق فيليالىنىڭ قۇرامىنا 22 دەنە تاربيەسى ۇجىمى كىرسە، سونىڭ 10 ى قالالىق، 12 ءسى اۋىلدىق جەردە.

بۇل ۇجىمدار 3615 ادامدى قامتىسا، سونىڭ 229 ى - جاس «ديناموشىلار». «دينامو» قوعامىنىڭ مۇشەلەرى ءتۇرلى سپورتتىق جارىستاردا ەل نامىسىن ابىرويمەن قورعاپ جۇرسە، مۇندا وبلىستىق فيليال ءتوراعاسىنىڭ ءبىرىنشى ورىنباسارى پاۆەل ستاۆكيننىڭ ۇلەسى مول.

قازىرگى ۋاقىتتا دەپارتامەنت ينسپەكتورى، پوليتسيا لەيتەنانتى، سامبودان ءتورت مارتە الەم چەمپيونى، الەم كۋبوگىنىڭ ءۇش دۇركىن يەگەرى، 2012-جىلعى سۋپەركۋبوك يەگەرى، قازاقستاننىڭ ەڭبەك سىڭىرگەن سپورت شەبەرى ەربولات بايباتىروۆ، ورال قالالىق ىشكى ىستەر باسقارماسى جول-پاترۋلدىك پوليتسيا باتالونىنىڭ قىزمەتكەرى، اعا سەرجانت، ايەلدەر كۇرەسىنەن الەم چەمپيوناتىنىڭ قولا جۇلدەگەرى ەكاتەرينا لاريونوۆانى «دينامو» قوعامى ورىندى ماقتان ەتەدى. بۇگىندە ە. بايباتىروۆ كەزەكتى الەم بىرىنشىلىگىنە دايىندالىپ جاتسا، ە. لاريونوۆا الداعى جىلى ريو-دە-جانەيرودا وتەتىن وليمپياداعا قاتىسۋدان ءۇمىتتى.

سالتاناتتى جيىندا سپورت ارداگەرلەرى العىسحاتتارمەن، سپورتتىڭ دامۋىنا سۇبەلى ۇلەس قوسقان اكىمدەر «دينامو» قوعامىنىڭ مەرەيتويلىق مەدالىمەن ماراپاتتالدى.

مەرەكە اياسىندا دوعارىستاعى ميليتسيا پولكوۆنيگى كارل ماحامبەتوۆتىڭ قۇرمەتىنە وبلىس قۇقىق قورعاۋ ورگاندارى اراسىندا شاعىن فۋتبولدان جارىس مارەگە جەتتى. وندا ب ق و ت ج دەپارتامەنتى جەڭىمپاز اتانسا، ق ر ۇ ق ك ب ق و بويىنشا دەپارتامەنتى - ەكىنشى، ۇلتتىق ۇلان «بۇركىت» ارنايى ءبولىنىسىنىڭ كومانداسى ءۇشىنشى ورىندى يەلەندى. جەڭىمپاز-جۇلدەگەرلەرگە كۋبوك، ديپلومدار، باعالى سىيلىقتار تابىس ەتىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى