م. اۋەزوۆ تەاترىنىڭ 90- ماۋسىمىنىڭ اشىلۋىندا حاكىم ابايدىڭ ءرولىن ەرلان ءبىلال سومدايدى
اباي تۋرالى 1940 - جىلى ا. توقپانوۆتىڭ، 60 - جىلدارى ءا. مامبەتوۆتىڭ، 90 - جىلدارى ج. حادجيەۆتىڭ، ب. اتابايەۆتىڭ، 2010 - جىلدان ە. وبايەۆتىڭ رەجيسسۋراسىمەن ساحنالانعان قويىلىم ادەمى جالعاسىن تاۋىپ كەلەدى. ءار رەجيسسەر، اكتەر اقىن جانىن ءار قىرىنان اشتى، ءار كەزەڭنىڭ ءوز ابايى، ءوز كورەرمەنى بولدى.
اباي ءرولى م. اۋەزوۆ تەاترىنىڭ ديرەكتورى، ق ر ەڭبەك سىڭىرگەن قايراتكەرى ەرلان ءبىلالدىڭ سومداۋىمەن ساحنا تورىنەن ورىن الماق. سونىمەن قاتار، «اباي» تراگەدياسىندا م. اۋەزوۆ تەاترىنىڭ ساحنا ساڭلاقتارى ونەر كورسەتەدى. اتاپ ايتقاندا، ايگەرىم - ق ر ەڭبەك سىڭىرگەن قايراتكەرى د. ءجۇسىپ، ايدار - «سەرپەر» جاستار وداعى سىيلىعىنىڭ لاۋرەاتى ە. دايىروۆ، اجار - «پلاتينالى تارلان» سىيلىعىنىڭ يەگەرى ن. قارابالينا، ماعاۋيا - ج. بايسالبەكوۆ، ءابدىراحمان - ب. ايتجانوۆ، ورازباي - ق ر ەڭبەك سىڭىرگەن ءارتيسى ا. بەكتەمىر، جيرەنشە - ق ر ەڭبەك سىڭىرگەن قايراتكەرى ب. تۇرىس، تاكەجان - ج. ءامىروۆ، كەرىم - ق ر ەڭبەك سىڭىرگەن قايراتكەرى د. اقمولدا، بايماعامبەت - ق ر ەڭبەك سىڭىرگەن قايراتكەرى و. قىيقىموۆ، زەينەپ - ق ر ەڭبەك سىڭىرگەن ءارتيسى ر. حادجيەۆا ت. ب.
