استانادا نۇرعيسا تىلەنديەۆتىڭ 90 جىلدىعىنا ارنالعان كونسەرت ءوتتى

 بۇل تۋرالى استانا اكىمدىگىنىڭ رەسمي سايتىندا حابارلادى.

قازاق مۋزىكا مادەنيەتىندە وشپەس ءىز قالدىرعان ەرەكشە دارىن يەسىنە كوزى تىرىسىندە- اق «قازاق سازىنىڭ سايىپقىرانى» دەگەن اتاق بەرىلگەن ەدى. كومپوزيتوردىڭ ارتىندا قالعان مۇراسى ولشەۋسىز. 400 جۋىق ءان مەن رومانستىڭ اۆتورى، 50 استام درامالىق قويىلىمعا، 19 كوركەم فيلمگە، 17 مۋلتيپليكاتسيالىق فيلمگە، 14 دەرەكتى- حرونيكالىق فيلمگە مۋزىكا جازدى. نۇرعيسا تىلەنديەۆ مۋزىكاسى م. اۋەزوۆتىڭ، ش. ايمانوۆتىڭ، ءا. تاجىبايەۆتىڭ پەسالارىنا كورىك بەردى. «قىز جىبەك»، «قيلى كەزەڭ»، «مەنىڭ اتىم قوجا»، «قارلىعاشتىڭ قۇيرىعى نەگە ايىر؟ »، «اقساق قۇلان» فيلمدەرىندەگى تەبىرەنتكەن سازدى اۋەندەردىڭ دە اۆتورى - نۇرعيسا تىلەنديەۆ.

 ول قۇرعان «وتىرار سازى» اكادەميالىق وركەسترى ەلىمىزدىڭ ماڭدايالدى ونەر ۇجىمى. بۇگىندە ول ۇجىمعا سازگەردىڭ قىزى - ءدىنزۇحرا تىلەنديەۆا جەتەكشىلىك ەتەدى. كەشتە كومپوزيتوردىڭ كوپتەگەن، حالىق ساعىنعان مۋزىكاسى وينالدى. كومپوزيتوردىڭ اندەرىن روزا رىمبايەۆا، مايگۇل قازتۇرعانوۆا، نۇرعالي ءنۇسىپجانوۆتار جانە «مۋزارت» توبى ورىندادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى