ءومىرزاق شوكەيەۆ: «سامۇرىق- قازىنانىڭ» وپەراسيالىق شىعىستارىن نە ءبارى ەكى پايىزعا قىسقارتۋ 90 ميلليارد تەڭگە ۇنەمدەۋگە مۇمكىندىك بەرەدى

بۇل تۋرالى ك ت ك تەلەارناسىنىڭ «حالىق قىزمەتشىسى» باعدارلاماسىنا سۇحبات بەرگەن «سامۇرىق- قازىنا» ۇ ءا ق» باسقارماسىنىڭ ءتوراعاسى ءومىرزاق شوكەيەۆ ءمالىم ەتتى.

«ءبىز حولدينگتىڭ وپەراتسيالىق شىعىستارىن نە ءبارى ەكى پايىزعا قىسقارتۋ 90 ميلليارد تەڭگە ۇنەمدەۋگە مۇمكىندىك بەرەتىن كوردىك. بۇل قارجىعا ءبىر ءىرى كاسىپورىن سالۋعا بولادى. سوندىقتان دا شىعىستاردى قىسقارتۋ بارىنشا ماڭىزدى»، - دەدى ءو. شوكەيەۆ.

قور باسشىسى ءوز سوزىندە حولدينگتىڭ تابىسىن ارتتىرۋ ماسەلەسىنە دە قاتىستى ءسوز قوزعادى. ونىڭ ايتۋىنشا، حولدينگتىڭ تابىسى ەڭ ءبىرىنشى كەزەكتە كۇندەلىكتى جۇمىستاردىڭ تيىمدىلىگىنە بايلانىستى. سونىمەن قاتار، جۇمىسشىلاردىڭ بىلىكتىلىك دەڭگەيى، قولدانىلاتىن تەحنولوگيالار، بيزنەس ۇدەرىستەر باسەكەگە قابىلەتتى بولۋى ءتيىس.

ونىڭ اتاپ وتۋىنشە، بۇگىندە حولدينگتىڭ قۇرامىنا كىرەتىن بارلىق كومپانيالاردا شىعىستاردى قىسقارتۋ ەنگىزىلگەن. ماسەلەن، مۇنداي شارا كومپانياعا قاراستى «قازاق تەلەكوم» ا ق- نا ەنگىزىلگەن.

«قازاق تەلەكوم» جارتىلاي جەكەمەنشىك كومپانيا. وندا مەنشىك يەسى ءجىتى باقىلاۋ جۇرگىزىپ وتىر. ولار حالىقارالىق كومپانيادان ارنايى كونسۋلتانتتار جالداعان. ولار كاسىپورىنداردان قارجى ۇنەمدەۋدىڭ جولدارىن وزدەرى ىزدەستىرىپ، سودان بەلگىلى ءبىر مولشەردە پايىز الادى»، - دەدى ول.

سونىمەن قاتار، قور باسشىسى اتالعان باستاما ەنگىزىلگەن ەكى جىلدىڭ ىشىندە «قازاق تەلەكوم» كومپانياسىنىڭ قانشا قارجى ۇنەمدەگەنىن دە اتاپ ءوتتى.

 «بۇل باستامالار ەكى جىلدىڭ ىشىندە 128 ميلليارد تەڭگە ۇنەمدەۋگە مۇمكىندىك بەردى»، - دەدى قور باسشىسى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى