قىتايدا تابيعي اپاتتىڭ جاقىنداپ كەلە جاتۋىنا وراي، 90 مىڭنان استام ادام قاۋىپسىز جەرگە كوشىرىلدى
تايفۋن سەيسەنبى كۇنى تاڭەرتەڭ وڭتۇستىك قىتاي تەڭىزىنىڭ شىعىس اكۆاتورياسىنا ەندى، ساعاتىنا 30 شاقىرىم جىلدامدىقپەن گۋاڭدۋڭ پروۆينسياسى مەن حاينان كۋرورتتىق ارالىنا جىلجىپ كەلەدى.
بولجام بويىنشا، كەشكە تايفۋننىڭ قارقىندىلىعى 50 م/س-قا كۇشەيۋى مۇمكىن. ونىڭ جىلدامدىعى مەن جەلدىڭ كۇشتىلىگىن اعىمداعى جىلعى شىلدەدە قىتايدا 60 تان استام ادامنىڭ ءومىرىن قيعان «رامماسۋن» تايفۋنىمەن سالىستىرۋدا.
تايفۋننىڭ جاقىنداۋىنان جەرگىلىكتى بيلىك 90 مىڭ ادامدى قاۋىپسىز جەرگە كوشىردى، 30 مىڭ كەمە پورتقا كەرى قايتارىلدى، وڭتۇستىك قىتاي تەڭىزىندە مۇناي پلاتفورماسىنان 6 مىڭنان استام جۇمىسشى ەۆاكۋاتسيالاندى.
جەرگىلىكتى ب ا ق حابارلاۋىنشا، وڭتۇستىك قىتاي تەڭىزى اۋدانىندا داۋىل كەزىندە شۇعىل جاعداي تۋىنداعان جاعدايعا 29 قۇتقارۋ كورابلى مەن ەكى تىكۇشاق ازىرلەندى. حايكوۋ قالاسىندا - حاينان پروۆينسياسىنىڭ اكىمشىلىك ورتالىعىندا بارلىق مەكتەپتەر جابىلدى، جەرگىلىكتى تۇرعىندار اۋىزسۋ مەن ازىق- تۇلىك ونىمدەرىن دايىنداۋدا.
بۇدان باسقا، شياڭگاڭ حالىقارالىق اۋەجايىندا 40 قا جۋىق رەيس توقتاتىلىپ، 500 دەن استام رەيس اپات سالدارىنان كەشىگۋدە.
مەتەورولوگتاردىڭ بولجاۋىنشا، قىتاي وڭتۇستىگىندە تاياۋ كۇندەر جاڭبىر كۇشەيىپ، جەر-جەرلەردە نوسەرلەتىپ، جەكەلەگەن اۋدانداردا 450 م م-گە دەيىن جاۋىن-شاشىن بولادى دەپ كۇتىلەدى.
