ەلوردادا قوعامدىق كولىكتەردىڭ جولاقىسى 90 تەڭگەگە دەيىن كوتەرىلەدى

اكىمدىكتىڭ اقپاراتىنا قاراعاندا، سوڭعى 6 جىلدا جانار-جاعارماي 2 ەسەگە ءوسىپ، اۆتوكولىككە تەحنيكالىق قىزمەت كورسەتۋ قۇنى قىمباتتاعاندا، جولاقى ءتاريفى ءبىر دەڭگەيدە تۇراقتى ۇستالعان. وسىلايشا قازىرگى تاڭدا تاسىمالداۋشىلار شىعىندارىن وتەي الماۋدا جانە زيان شەگۋدە.

«وسى ماسەلەنى شەشۋ ءۇشىن ارنايى كوميسسيا قۇرىلدى. بارلىق قاجەتتى ۇدەرىستەر مەن ەسەپتەر جۇرگىزىلدى. ناتيجەسىندە قالاداعى قوعامدىق كولىكتە جول ءجۇرۋ قۇنى ەرەسەكتەرگە 90 تەڭگە جانە بالالارعا 40 تەڭگە رەتىندە بەلگىلەندى»، - دەدى استانا قالاسى جولاۋشىلار كولىگى جانە اۆتوموبيل جولدارى باسقارماسىنىڭ ءتوراعاسى راشيد امانجولوۆ.

باسقارما باسشىسى تاريفتىڭ ارتۋى ءماجبۇرلى شارا ەكەنىن باسا ايتتى. الايدا بۇل وزگەرىستىڭ قوعامدىق كولىكتە جۇرۋگە جەڭىلدىگى بار ازاماتتارعا ەش قاتىسى جوق. جولاۋشىلار كولىگى سالاسىنىڭ قازىرگى جاعدايىنا توقتالا وتىرىپ، ۆەدومستۆو باسشىسى: «قازىرگى ۋاقىتتا جولاۋشىلار تاسىمالىن 50 قالالىق مارشرۋتتا 8 كومپانيا اتقارۋدا. وندا بارلىعى 890 بىرلىك اۆتوبۋس شوعىرلانعان. جەلىگە جاڭا اۆتوبۋستار شىعارۋ قاجەتتىگى دە تۋىنداپ وتىر. ولار قازىرگى كەزدە باقىلانعان 180 بىرلىك شاماسىنداعى قاجەتتىلىكتى وتەمەك. سونىمەن قاتار قازىر «ەلەكتروندى بيلەت» جاڭا جۇيەسىن ەنگىزۋ جوباسى ازىرلەنۋدە»، - دەدى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى