قىتاي 90 مىڭ توننا قازاق استىعىن ساتىپ الدى

بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ق ر پرەمەر-ءمينيسترىنىڭ ءبىرىنشى ورىنباسارى باقىتجان ساعىنتايەۆ ءمالىم ەتتى.
«اۋىل شارۋاشىلىعى سالاسىندا قىتاي نارىعىنا قازاقستاندىقتى استىقتى جەتكىزۋ شارالارى قابىلدانۋدا.
وتكەن جىلى جەتكىزىلگەن استىقتىڭ جالپى كولەمى 90 مىڭ توننادان اسىپ جىعىلدى. ساۋدا-ەكونوميكالىق ىنتىماقتاستىق جونىندەگى شاعىن كوميتەتتىڭ جەتىنشى وتىرىسى بارىسىندا تاراپتار اۋىل شارۋاشىلىعى ونىمدەرىن ساتۋداعى ىنتىماقتاستىق جونىندەگى بىرلەسكەن جۇمىس توبىن قۇرۋعا ۋاعدالاستى. قازىرگى ۋاقىتتا قازاقستان- قىتاي شەكاراسىندا استىق تەرمينالىن سالۋ ماسەلەسى قاراستىرىلۋدا»،-دەدى ول.
ب. ساعىنتايەۆتىڭ اتاپ وتۋىنشە، استىقتان بولەك قىتاي نارىعىنا قازاقستاننىڭ مەتاللۋرگيالىق ونىمدەرى مىس، فەرروحروم، تەمىر كەنى جانە كونتسەنتراتتار جەتكىزىلۋدە.
«2012 -جىلى قىتايعا جەتكىزىلگەن مىس كولەمى 170 مىڭ، 2013 -جىلى 202 مىڭ توننانى قۇرادى. بيىل 154 مىڭ توننا مىس جونەلتۋ جوسپارلانۋدا» ، - دەدى ب. ساعىنتايەۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى