بيىلعى رەسپۋبليكالىق بيۋدجەت كىرىسى 900 ميلليارد تەڭگەگە كەمۋى مۇمكىن - سەناتور

 بۇل تۋرالى كەشە ق ر پرەزيدەنتى جانىنداعى ورتالىق كوممۋنيكاتسيالار قىزىمەتىندە وتكەن بريفينگتە ق ر پارلامەنتى سەناتىنىڭ دەپۋتاتى ولگا پەرەپەچينا ايتتى.

«ماكرو ەكونوميكانىڭ تۇزەتىلگەن بازالىق كورسەتكىشتەرىنە سايكەس، بەكىتىلگەن بيۋدجەتتىڭ تابىس بولىگىن قىسقارتۋمەن قاتار كىرىس بولىگىن تۇزەتۋ دە جوسپارلانىپ وتىر. ماسەلەن، رەسپۋبليكالىق بيۋدجەت كىرىسى 900 ميلليارد تەڭگەدەن استام سوماعا كەمىتىلۋى مۇمكىن»، - دەدى ول.

 ونىڭ اتاپ وتۋىنشە، مۇنداي جايتقا مۇنايدىڭ جانە باسقا دا تاۋارلاردىڭ باعاسىنىڭ قۇلدىراۋى اسەر ەتۋدە. سونداي- اق، مەتالل مەن پايدالى قازبالاردىڭ الەمدىك نارىقتاعى باعاسىنىڭ وزگەرۋىنە بايلانىستى كورپوراتيۆتىك تابىس سالىعى مەن قوسىلعان قۇن سالىعى ءتۇسىمىنىڭ دە تومەندەتىلۋى كۇتىلۋدە.

 «اعىمداعى جىلى ۇلتتىق قوردان بولىنەتىن كەپىلدەندىرىلگەن ترانسفەرت كولەمى 1 تريلليون  702 ميلليارد تەڭگە كولەمىندە وزگەرىسسىز قالادى»، - دەدى و. پەرەپەچينا.

 اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى