قازاقستاننىڭ حالىقارالىق رەزەرۆى 90,7 ميلليارد دوللاردى قۇرادى

بۇل تۋرالى بۇگىن ۇلتتىق بانكتىڭ باسپا ءسوز قىزمەتى حابارلادى.

باسپا ءسوز قىزمەتى تاراتقان مالىمەتتەرگە قاراعاندا، 2017-جىلعى شىلدەدە ۇلتتىق بانكتىڭ جالپى حالىقارالىق رەزەرۆتەرى 2,9 ميلليارد ا ق ش دوللارىنا نەمەسە %9,7 عا ءوسىپ، 32,9 ميلليارد ا ق ش دوللارىن قۇرادى.

شەتەل ۆاليۋتاسىنداعى اكتيۆتەر 2,6 ميلليارد ا ق ش دوللارىنان 21,5 ميلليارد ا ق ش دوللارىنا دەيىن، التىنداعى اكتيۆتەر باعاسى %1,9 كە ءوسۋى ناتيجەسىندە 0,3 ميلليارد ا ق ش دوللارىنان 11,4 ميلليارد ا ق ش دوللارىنا دەيىن ۇلعايدى. 2017-جىلعى شىلدەدە ۇلتتىق قوردىڭ اكتيۆتەرى 4,3 ميلليارد ا ق ش دوللارىنان نەمەسە 57,9 ميلليارد ا ق ش دوللارىنا دەيىن %6,9 عا تومەندەدى.

ۇلتتىق بانكتىڭ حالىقارالىق رەزەرۆتەرى كولەمىنىڭ جانە ۇلتتىق قور اكتيۆتەرىنىڭ وزگەرۋى كوپ جاعدايدا «قازاقستاننىڭ حالىق جيناق بانكى» ا ق پەن «كاز كوممەرتس بانك» ا ق اراسىنداعى مامىلەنى ىسكە اسىرۋ ناتيجەسىندە بولدى.

اتاپ ايتقاندا، ۇلتتىق قور اكتيۆتەرىنىڭ تومەندەۋى كورسەتىلگەن مامىلەنى جۇزەگە اسىرۋ ءۇشىن رەسپۋبليكالىق بيۋدجەتكە نىسانالى ترانسفەرتتى بولۋگە، ال ۇلتتىق بانكتىڭ حالىقارالىق رەزەرۆتەرىنىڭ ۇلعايۋى وسى كولەمنىڭ شەتەل ۆاليۋتاسىنان تەڭگەگە تيىسىنشە ايىرباستالۋىنا (شەتەل ۆاليۋتاسىن ساتىپ الۋعا) بايلانىستى.

بۇدان باسقا، ۇلتتىق قوردىڭ اكتيۆتەرىن وزگەرتۋ كەپىلدىك بەرىلگەن جانە نىسانالى ترانسفەرتتەردى ءبولۋ ءۇشىن ۆاليۋتا نارىعىندا شەتەل ۆاليۋتاسىن ايىرباستاۋعا نەگىزدەلگەن. ۇلتتىق ، انكتىڭ حالىقارالىق رەزەرۆتەرىنىڭ سەرپىنىنە سونداي-اق ۇكىمەتتىڭ ۇلتتىق بانكتەگى شوتتارىنا ۆاليۋتانىڭ ءتۇسۋى، بانكتەردىڭ شەتەل ۆاليۋتاسىنداعى كوررەسپوندەنتتىك شوتتارىنداعى قالدىقتاردىڭ ۇلعايۋى، ۇلتتىق قوردىڭ اكتيۆتەرىن تولىقتىرۋ، ۇكىمەتتىڭ سىرتقى بورىشىنا قىزمەت كورسەتۋ، سونداي-اق بانكتەرمەن ۆاليۋتالىق-پايىزدىق سۆوپ وپەراتسيالارىنىڭ بولىگىن اياقتاۋ بويىنشا وپەراتسيالار ىقپال ەتتى.

تۇتاستاي العاندا، ەلدىڭ حالىقارالىق رەزەرۆتەرى، ۇلتتىق قوردىڭ شەتەل ۆاليۋتاسىنداعى اكتيۆتەرىن قوسا العاندا، 90,7 ميلليارد ا ق ش دوللارى بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى