الماتىلىق اپاسىنان 90 ميلليون تەڭگە ۇرلاپ، 6 جىلعا سوتتالدى
ەر كىسى تۋعان اپاسىنان ميلليونداعان تەڭگە، مىڭداعان دوللار، رۋبل، جاپوندىق يەن، 160 اعىلشىن فۋنت ستەرلينگىن جانە باعالى زاتتاردى ۇرلاعان. ۇرلانعان مۇلىك 90 ميلليون تەڭگەدەن استام سومانى قۇرايدى.
«سوت 2016-جىلدىڭ ماۋسىم ايىندا ك. -نىڭ ن. ەسىمدى اپاسىنىڭ پاتەرى كىلتىنىڭ ءتول نۇسقاسىن الىپ، سونداي-اق ماتەريالدىق كىرىسىنىڭ جاقسى ەكەنىن ءبىلىپ، اسا ءىرى كولەمدە بىرەۋدىڭ مۇلكىنە قول سۇعۋعا شەشىم قابىلداعانىن انىقتاعان.
ەر كىسى 2016-جىلدىڭ 7- ماۋسىمى كۇنى ساعات 16:00 دە اپاسىنىڭ ۇيىنە كەلىپ، دابىل جۇيەسىن ءوشىرىپ، 22 ميلليون تەڭگە، 200 مىڭ دوللار، 9 مىڭ رەسەي رۋبلى، 1050 ەۋرو، 3 مىڭ يەن، 160 اعىلشىن فۋنت ستەرلينگى مەن باعالى زاتتارىن قولدى ەتكەن.
ماتەريالدىق زيان 90886000 تەڭگەنى قۇرايدى»، - دەپ ايتىلادى حابارلامادا.
سوتتىڭ شەشىمىمەن، ك. قازاقستان رەسپۋبليكاسى ق ك 188-بابىنىڭ 4- ءبولىمى، 3- تارماعىندا كورسەتىلگەن قىلمىسقا وراي ايىپتى دەپ تانىلىپ، 6 جىلعا باس بوستاندىعىنان ايىرىلدى. مۇلكى تاركىلەنىپ، جالپى رەجىمدى تۇزەتۋ كولونياسىندا ايىبىن وتەيتىن بولادى. ۇكىم زاڭدى كۇشىنە ەنگەن جوق.
