9-مامىرعا وراي ارداگەرلەرگە جەرگىلىكتى بيۋدجەتتەردەن ءبىرجولعى الەۋمەتتىك كومەك تولەندى

بۇگىنگى تاڭدا قازاقستاننىڭ بارلىق ءوڭىرى مەن استانا، الماتى جانە شىمكەنت قالالارىندا ارداگەرلەرگە تولەم جاسالدى. اتالعان ماقساتتارعا جەرگىلىكتى بيۋدجەتتەردەن بارلىعى 187 ميلليون تەڭگە ءبولىندى.

الەۋمەتتىك كومەك كورسەتۋدىڭ قولدانىستاعى قاعيدالارىنا سايكەس 9-مامىرعا وراي بەرىلەتىن ءبىرجولعى تولەمدەر سوماسى جەرگىلىكتى بيۋدجەتتەردىڭ مۇمكىندىكتەرىنە جانە ءماسليحاتتاردىڭ شەشىمدەرىنە بايلانىستى ءار وبلىستا دەربەس بەلگىلەنەدى.

ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ ۇسىنىسى بويىنشا سوڭعى جىلدارى كوپتەگەن وبلىستا ارداگەرلەرگە تولەمدەر ءبىرىڭعاي مولشەردە تولەنەدى.

ماسەلەن، بيىل رەسپۋبليكا بويىنشا ءبىرجولعى الەۋمەتتىك كومەكتىڭ ورتاشا مولشەرى 1,5 ميلليون تەڭگەنى قۇرادى. بۇل رەتتە كوپتەگەن وڭىرلەردە ورتاشا مولشەردەن جوعارى سوما تولەندى: اقمولا وبلىسىندا - 3 ميلليون تەڭگە، اقتوبە وبلىسىندا - 2 ميلليون تەڭگەدەن استام. اباي، الماتى، قاراعاندى، پاۆلودار وبلىستارى مەن استانا جانە الماتى قالالارىندا ۇوس قاتىسۋشىلارى 2 ميلليون تەڭگەدەن الدى.

بۇگىندە رەسپۋبليكادا ەكىنشى دۇنيەجۇزىلىك سوعىستىڭ 148 ارداگەرى تۇرادى. ولارعا الەۋمەتتىك قولداۋدىڭ باسقا دا تۇرلەرىنە قاراماستان اي سايىن 16 ا ە ك (2024 -جىلى 59072 تەڭگە) مولشەرىندە ارناۋلى مەملەكەتتىك جاردەماقى تولەنەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى