رەسەيدە ءبىر تاۋلىك ىشىندە كوروناۆيرۋس جۇقتىرعاندار سانى 9,6 مىڭعا كوبەيدى
وسىلايشا رەسەي الەمدە كوروناۆيرۋس جۇقتىرعاندار سانى بويىنشا جەتىنشى ورىنعا شىقتى، دەپ حابارلايدى قازاقپارات تاسس اگەنتتىگىنە سىلتەمە جاساپ.
كوروناۆيرۋس ينفەكسياسىمەن كۇرەس جەدەل شتابى سەنبى كۇنى جۋرناليستەرگە ينفەكسيادان 15013 ادام ساۋىعىپ، 1222 ادامنىڭ قايتىس بولعانىن حابارلادى. جاڭا جۇقتىرعانداردىڭ 4488-ىندە (%)46,6 اۋرۋدىڭ ەشقانداي بەلگىسى بولماعان. سونىمەن قاتار ماسكەۋدە 5358 جاڭا جۇقتىرۋ وقيعاسى تىركەلىپ، جالپى ينفەكسيا جۇقتىرعاندار سانى 62658-گە جەتتى. سونىمەن قاتار، 82-ايماقتا ينفەكسيانى جۇقتىرۋ فاكتىلەرى تىركەلدى.
ونىڭ ىشىندە ماسكەۋ وبلىسىندا – 807 ، سانكت- پەتەربوردا – 323 ، نيجەگورود وبلىسىندا – 320 ، مۋرمانسكىدە 143 جانە داعىستاندا 109 جاعداي انىقتالدى.
ءبىر تاۋلىكتە 69 ايماقتا 1793 ادام ەمدەلىپ شىقتى.
