قىتايدان 9 ايدا 285 مىڭ توننا اشىق ءتۇستى مۇناي ءونىمى جەتكىزىلدى
«ىشكى نارىق سۇرانىسىنىڭ ءبىر بولىگىن توللينگتىك باعدارلاما اياسىندا قىتايدان جانارماي جەتكىزۋ ارقىلى جابىلۋدا. ماسەلەن، 9 ايدا اشىق ءتۇستى مۇناي ءونىمى 285 مىڭ توننا كولەمىندە جەتكىزىلدى» ، - دەدى ۇ. قارابالين.
ونىڭ اتاپ وتۋىنشە، قازىرگى تاڭدا ەلىمىزدىڭ جانارماي نارىعىنداعى احۋال بىرتىندەپ تۇراقتالىپ كەلەدى. ەلىمىزدىڭ ءبىرقاتار وڭىرىندە جانارماي قۇيۋ بەكەتتەرىندەگى شەكتەۋ الىندى.
«بولاشاقتا مۇنداي پروبلەمانى شەشۋ ءۇشىن مۇناي ونىمدەرى ىشكى نارىعىن تۇراقتاندىرۋ ءىس- شارالار جوسپارى ازىرلەندى. بىرنەشە كۇن بۇرىن ەنەرگەتيكا سالاسىن دامىتۋ جونىندەگى ۆەدومستۆوارالىق كوميسسيا وتىرىسىندا قارالدى. مۇناي ونىمدەرى گەوگرافياسىن كەڭەيتۋ شارالارى قابىلدانۋدا» ، - دەدى ول.
اۆتور: مارلان جيەمباي
