استانادا شەتەلدىك كولىك جۇرگىزۋشىلەرى تاراپىنان وتكەن 9 ايدىڭ ىشىندە 26 مىڭنان استام جول ءجۇرۋ ەرەجەسى بۇزىلعان

بۇل شەتەلدىك جۇرگىزۋشىلەر تاراپىنان ءجيى ورىن الاتىن جول-كولىك اپاتتارىنىڭ الدىن الىپ، قوعام قاۋىپسىزدىگىن ساقتاۋعا باعىتتالعان شارا، دەپ حابارلادى astana.kz.

«ءى ءى م كورسەتكىشتەرىنە سايكەس، شەتەلدەن كەلگەن ازاماتتار تاراپىنان وتكەن 9 ايدىڭ ىشىندە 26 مىڭنان استام جول ءجۇرۋ ەرەجەسى بۇزىلعان»، - دەدى استانا قالاسى ءى ءى  د ءا پ ب ينسپەكتورى قۋانىش ەركىنوۆ.

ءىس-شاراعا 500 استام جول- پاترۋلدىك پوليتسياسىنىڭ، كوشى-قون پوليتسياسىنىڭ، كەدەندىك باقىلاۋ قۇرىلىمدارىنىڭ قىزمەتكەرلەرى جۇمىلدىرىلعان. سوڭعى 9-ايدا شەتەلدىك جۇرگىزۋشىلەر 28 جول-كولىك وقيعاسىنا سەبەپ بولىپ، 28 ادام قايتىس بولىپ، 58 ادام ءتۇرلى دەنە جاراقاتىن العان.

قۋانىش ەركىنوۆتىڭ ايتۋىنشا، كوشى-قون پوليتسياسى قىزمەتكەرلەرى شەتەلدەن كەلگەن ازاماتتاردىڭ زاڭدى تىركەۋلەرى بولماسا، قانداي دا زاڭ بۇزۋشىلىقتار انىقتالاتىن بولسا، وندا زاڭعا سايكەس ەل اۋماعىنان شىعارىپ جىبەرۋگە دەيىن شارالار قولدانىلادى.

استاناعا ر ف مەن قىرعىزستاننان كەلۋشىلەر كوپ ەكەن. شارا بارىسىندا جولاۋشى مەن جۇك تاسىمالدايتىن شەتەلدىك جۇرگىزۋشىلەردىڭ قۇجاتتارى تەكسەرىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى