قازاقستانعا شەتەلدىك ينۆەستيتسيالار اعىنى 9 ايدا 17,8 پايىزعا ءوستى

قازاقستان رەسپۋبليكاسى ۇلتتىق بانكىنىڭ دەرەكتەرى بويىنشا، 2022-جىلدىڭ ءۇش توقسانىنىڭ كورسەتكىشى بۇكىل 2021 -جىلى تارتىلعان ينۆەستيتسيالار كولەمىمەن سالىستىرۋعا بولادى ($23,8 ميلليارد).

وڭدەۋ ونەركاسىبىنە ينۆەستيتسيالار اعىنىنىڭ (36,9+ پايىز) ت ش ي جالپى كولەمىنىڭ 22,3 پايىز ۇلەسىمەن $4,9 ميلليارد دەڭگەيىنە دەيىن ءوسۋى نازار اۋدارارلىق. اۋىل شارۋاشىلىعىندا ءوسىم 247 پايىز ($23,5 ميلليون) قۇرادى، قۇرىلىستا: 87,8 پايىز (684,3 ميلليون)، كوتەرمە جانە بولشەك ساۋدادا: 32,6 پايىز (3,8 ميلليارد)، كولىك پەن قويمادا: 20,1 پايىز (938,7 ميلليون)، تاۋ-كەن ونەركاسىبىندە: 11,7 پايىز ($10,1 ميلليارد).

قازاقستانعا ەڭ كوپ ينۆەستيتسيالار سالعان ەلدەر تىزىمىنە نيدەرلاند ($5,5 ميلليارد)، ا ق ش ($5 ميلليارد)، شۆەيتساريا ($2,6 ميلليارد)، بەلگيا ($1,3 ميلليارد)، ر ف ($1,3 ميلليارد) جانە وڭتۇستىك كورەيا ($1,1 ميلليارد) كىردى. سونىمەن قاتار، وڭتۇستىك كورەيادان ت ش ي اعىنى ەكىجاقتى قاتىناستار تاريحىندا رەكوردتىق كورسەتكىشكە جەتتى.

ت ش ي اعىنى ءوسۋىنىڭ وڭ ديناميكاسى - ەلىمىزگە ينۆەستيتسيالار اعىنىنا قىسىم جاسايتىن سىرتقى فاكتورلارعا قاراماستان، شەتەلدىك ينۆەستورلاردىڭ ەلىمىزگە جانە جۇرگىزىلىپ جاتقان رەفورمالارعا سەنىمىنىڭ دالەلى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى