اقمولا وبلىسىنداعى الامان بايگە: 8 جاسار شاباندوز ءبىرىنشى ورىن الدى
جيىرما ءبىر شاقىرىمدىق الامان بايگەدە جەتىسۋ وبلىسىنىڭ جالعىزاعاش اۋىلىنان كەلگەن 8 جاسار شاباندوز امانگەلدى حامسا «جۇمىر تۇياق» تۇلپارىمەن مارەگە ءبىرىنشى كەلدى.
باپكەرى مارلان بەكتەنوۆتىڭ ايتۋىنشا، بۇل شاباندوز امانگەلدى حامسا مەن 3 جاسار «جۇمىر تۇياق» تۇلپارىنىڭ الىپ وتىرعان ءبىرىنشى جۇلدەسى ەمەس. وسىعان دەيىن دە تالاي بايگەدە توپ جارعان.
«بايگەدەن قازاقستان چەمپيوناتى - Olimbet ات جارىسىنا ءبىز ەكى سايگۇلىك اكەلدىك. سونىڭ ءبىرى - 8 جاسار بالامىز امانگەلدى حامسا تاقىمداعان «جۇمىر تۇياق» تۇلپارىمىز ءبىرىنشى بولىپ كەلىپ، ۇيىمداستىرۋشىلاردىڭ اتىنان تىگىلگەن 5 ميللون تەڭگەنىڭ جۇلدەسىن ەنشىلەدى. «جۇمىر تۇياق» ءۇش جاستا، ول - اتاقتى «اي تۇياق» ايعىرىنىڭ بالاسى. وتكەن جىلى قۇنان جارىسىندا ءۇش كولىك ۇتىپ الساق، بيىل سەمەي قالاسىندا سوعىس ارداگەرىنىڭ جۇلدەسى ساراپقا سالىنعان بايگەدە توپ جاردىق»، - دەپ قۋانىشىمەن ءبولىستى مارلان بەكتەنوۆ.
باپكەر اتاپ وتكەندەي، الداعى ۋاقىتتا ق ر پرەزيدەنتىنىڭ كۋبوگىنا دايىندىق باستالماق.
ايتا كەتسەك، بۇدان بۇرىن «اقمولا جۇلدىزدارى» وبلىستىق شىعارماشىلىق بايقاۋىنىڭ جەڭىمپازدارى ماراپاتتالعانىن جازعان ەدىك.
