ەرتە ۇيىقتاپ ۇيرەنۋدىڭ 8 جولى

بيولوگيالىق تەڭگەرىمسىزدىك، كۇيزەلىس، جامان ادەتتەر جانە باسقا فاكتورلار ءبىزدىڭ ۇيىقتاۋ قابىلەتىمىزگە جانە ۇيقىنىڭ ساپاسىنا ايتارلىقتاي اسەر ەتۋى مۇمكىن. سوندىقتان ءبىز ەرتە ۇيىقتاۋدى ادەتكە اينالدىرۋعا كومەكتەسەتىن كەيبىر پايدالى ستراتەگيالاردى ءبولىسۋدى ءجون كوردىك.

تۇراقتى ۇيقى رەجيمىن ورناتىڭىز

ەرتە ۇيىقتاپ ۇيرەنۋ ءۇشىن ەڭ ماڭىزدى ادەتتەردىڭ ءبىرى - قالىپتى ۇيقى رەجيمىن ورناتۋ. كۇندەلىكتى، ءتىپتى دەمالىس كۇندەرى دە ءبىر ۋاقىتتا ۇيىقتاپ، ءبىر ۋاقىتتا ويانۋعا تىرىسىڭىز. بۇل رەجيم دەنەڭىزگە بەلگىلى ءبىر ساعاتتا ۇيىقتاپ، ويانۋعا كومەكتەسەتىن بيولوگيالىق ءريتمدى قالىپتاستىرادى.

ەلەكتروندىق قۇرىلعىلاردى پايدالانۋدى شەكتەڭىز

سمارتفوندار، پلانشەتتەر جانە كومپيۋتەرلەر سياقتى ەلەكتروندى قۇرىلعىلار كوك جارىق شىعارادى، بۇل ۇيقى گورمونى مەلاتونيننىڭ وندىرىسىنە كەدەرگى كەلتىرۋى مۇمكىن. ۇيىقتار الدىندا كەم دەگەندە 1 ساعات بۇرىن ەلەكتروندى قۇرىلعىلاردان پايدالانۋدى شەكتەڭىز. سونداي-اق ەكرانداعى كوك جارىقتىڭ مولشەرىن ازايتىپ قويعانىڭىز ابزال.

ميدىڭ جاقسى جۇمىس ىستەۋى ءۇشىن دۇرىس ۇيقى ماڭىزدى ەكەنىن ءتۇسىنىڭىز

ۇيقىنىڭ بولماۋى ەستە ساقتاۋ، سەرگەكتىك، زەيىندى شوعىرلاندىرۋ جانە باسقا دا پسيحيكالىق فۋنكسيالارعا تەرىس اسەر ەتۋى مۇمكىن. ەگەر ءسىز مەكتەپتە، جۇمىستا جانە ءومىرىڭىزدىڭ باسقا سالالارىندا تابىستى بولعىڭىز كەلسە، بۇل ءسىزدىڭ ەرتە ۇيىقتاۋعا موتيۆاتسياڭىز بولسىن.

ۇيىقتاۋ ءراسىمىن قالىپتاستىرىڭىز

ۇيىقتاۋ ءراسىمىن جاساۋ دەنەڭىزدى بوساڭسىتۋعا جانە ۇيقىعا دايىنداۋعا كومەكتەسەدى. جىلى ۆاننا قابىلداۋ، كىتاپ وقۋ، جاعىمدى مۋزىكا تىڭداۋ نەمەسە مەديتاتسيا سياقتى نارسەلەردى قولدانىپ كورىڭىز. ۇيىقتار الدىنداعى راسىمدەر ءسىزدىڭ دەنەڭىزگە الداعى دەمالىس تۋرالى سيگنال بەرەدى.

زياندى تاعامدار مەن كوفەيننەن اۋلاق بولىڭىز

ۇيىقتار الدىندا اۋىر جانە مايلى تاعامداردى جەۋ ىڭعايسىزدىقتى تۋدىرۋى مۇمكىن جانە ۇيىقتاۋدى قيىنداتادى. سول ءۇشىن كەم دەگەندە 2-3 ساعات بۇرىن جەڭىل تاماقتانىپ الۋعا تىرىسىڭىز. سونداي-اق، كوفەيندى، الكوگولدى سۋسىنداردى تۇتىنۋدى شەكتەڭىز.

جاتىن بولمەڭىزدى وزىڭىزگە ىڭعايلاڭىز

جاتىن بولمە ۇيىقتاۋعا قولايلى جانە تىنىش بولۋى كەرەك. ماتراس پەن جاستىقتىڭ ساپاسىنا نازار اۋدارىڭىز، دۇرىس توسەك جابدىعىن تاڭداپ، بولمەنى جەلدەتۋدى قامتاماسىز ەتىڭىز.

تۇراقتى دەنە شىنىقتىرۋمەن اينالىسىڭىز

دەنە بەلسەندىلىگى ۇيقىنىڭ ساپاسىن جانە كەشكى شارشاۋدى جاقسارتۋعا كومەكتەسەدى. دەگەنمەن، ۇيقىعا جاقىن قارقىندى جاتتىعۋلاردان اۋلاق بولىڭىز، ويتكەنى ولار ءسىزدىڭ اعزاڭىزعا سەرپىمدىلىك اسەر قالدىرۋى مۇمكىن.

كۇيزەلىستى باسقارۋ

سترەسس ءسىزدىڭ ۇيقىڭىزعا ايتارلىقتاي كەرى اسەر ەتۋى مۇمكىن. جاتار الدىندا ويىڭىزدى تىنىشتاندىرۋ ءۇشىن مەديتاتسيا، تەرەڭ تىنىس الۋ، يوگا نەمەسە ويلارىڭىزدى جازۋ سياقتى كۇيزەلىستى باسقارۋعا كومەكتەسەتىن ستراتەگيالاردى پايدالانىڭىز.

ەرتە ۇيىقتاپ، ساپالى ۇيقىعا قول جەتكىزۋ شىدامدىلىق پەن تاجىريبەنى قاجەت ەتەتىن پروتسەسس. وسى ستراتەگيالاردى پايدالانىپ، وزىڭىزگە ەڭ قولايلىسىن تابۋ ءۇشىن تاجىريبە جاساڭىز. تۇراقتى جانە ساپالى ۇيقى ءسىزدىڭ جالپى دەنساۋلىعىڭىز بەن ءال-اۋقاتىڭىزعا ىقپال ەتەدى، سوندىقتان بۇل ماسەلەگە نازار اۋدارعان ءجون.

bugin.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى