استانادا 8 جاسار بالانى كولىك قاعىپ كەتكەن كوشەنى تۇرعىندار بوگەپ تاستادى
«19- جەلتوقسان كۇنى ساعات 17:50 شاماسىندا «Toyota Highlander» اۆتوكولىگى بۇقار جىراۋ كوشەسىمەن كەلە جاتىپ، جولدىڭ ءجۇرۋ بولىگىن باعدارشامنىڭ تىيىم سالىنعان سيگنالىنا ءوتىپ بارا جاتقان كامەلەتكە تولماعان بالانى قاعىپ كەتتى.
جول اپاتى سالدارىنان 8 جاسار بالا قالالىق اۋرۋحاناعا جەتكىزىلدى جانە دارىگەرلەر تەكسەرگەننەن كەيىن ۇيىنە جىبەرىلدى. اتالعان فاكتى بويىنشا انىقتاۋ جۇرگىزىلۋدە» دەلىنگەن حابارلامادا.
وقيعادان كەيىن جاقىن ماڭداعى ۇيلەردىڭ تۇرعىندارى جارىقتاندىرۋدىڭ بولماۋىنا بايلانىستى جولدى جاۋىپ تاستادى. جينالعاندارعا ىشكى ىستەر ورنى وكىلدەرى ءتۇسىندىرۋ جۇمىستارىن جۇرگىزدى. اتالعان ۋچاسكەنى جاقسارتۋ بويىنشا جول جۇمىستارىن جۇرگىزۋ قاجەتتىلىگى تۋرالى اقپارات جەرگىلىكتى اتقارۋشى ورگانعا جىبەرىلدى.
