شۋدا پوليتسەيلەرگە شابۋىل جاساعاندار 8 جىلعا دەيىن سوتتالدى - ۆيدەو
«شۋ اۋداندىق سوتىنىڭ 2022 -جىلعى 6-جەلتوقسانداعى ۇكىمىمەن سەگىز تۇرعىنعا 3 جىلدان 8 جىل 2 ايعا دەيىنگى مەرزىمگە باس بوستاندىعىنان ايىرۋ تۇرىندەگى جازا تاعايىندالدى»، - دەلىنگەن پوليتسيا مالىمەتىندە.
ەسكە سالساق، 7-مامىر تۇنگى ساعات 01.30 شاماسىندا شۋ قالاسىنداعى ۆوكزال ماڭىندا پوليتسيا قىزمەتكەرلەرى مەملەكەتتىك ءنومىرى جوق ۆاز 2114 اۆتوكولىگىن توقتاتقان بولاتىن. جۇرگىزۋشى مەن كولىكتە بولعان جولاۋشى قۇجاتتاردى كورسەتۋ تۋرالى تالاپتى ورىنداۋدان باس تارتىپ، پوليتسيا قىزمەتكەرلەرىنە شابۋىل جاسادى. سونىمەن قاتار جاقىن ماڭداعى كافە مەن الاڭنان ءبىر توپ ادام جينالىپ پوليتسيا قىزمەتكەرلەرىنە دەنە جاراقاتىن كەلتىرىپ، قارۋلارىن تارتىپ الماقشى بولدى. اتالعان دەرەك بويىنشا ق ر قىلمىستىق كودەكسىنىڭ 380-بابى 3-بولىگىمەن سوتقا دەيىنگى تەرگەۋ امالدارى جۇرگىزىلىپ، ءىس ماتەريالدارى ۇكىم شىعارۋ ءۇشىن سوتقا جولدانعان ەدى.
