الماتىدا اياعى اۋىر كەلىنشەك تۇرعىن ءۇيدىڭ 8-قاباتىنان سەكىرىپ كەتتى
ول ءۇيدىڭ 8-قاباتىنان سەكىرىپ كەتكەن، دەپ حابارلايدى قازاقپارات ءتىلشىسى.
الماتى قالالىق پوليتسيا دەپارتامەنتى قايعىلى وقيعانى راستادى.
«الماتى قالالىق پوليتسيا دەپارتامەنتى اتالعان دەرەكتى ناۋرىزباي اۋداندىق پوليتسيا باسقارماسى ق ر ق ك- ءنىڭ 105-بابى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەگەنىن حابارلايدى. سوت-مەديتسينالىق ساراپتاما تاعايىندالدى. وقيعانىڭ سەبەبى مەن باسقا دا ءمان-جايلارى انىقتالۋدا»، - دەپ اتاپ ءوتتى قالالىق پوليتسيا دەپارتامەنتىنىڭ باسپا ءسوز قىزمەتى.
ەسكە سالا كەتەيىك، بىلتىر قاراشا ايىندا «جەتىسۋ» شاعىن اۋدانىندا كوپقاباتتى ۇيلەردىڭ ءبىرىنىڭ تەرەزەسىنەن 28 جاستاعى ايەل مەن ونىڭ 2015، 2016 جانە 2019-جىلى تۋعان ءۇش كىشكەنتاي بالاسى 9-قاباتتىڭ تەرەزەسىنەن سەكىرىپ كەتكەن ەدى.
ايەل مەن ەكى بالاسى وقيعا ورنىندا كوز جۇمدى. تاعى ءبىر بالا جەدەل جاردەم كولىگىندە قايتىس بولدى.
