قاڭتار وقيعاسى: 8 پوليتسەيگە قاتىستى ەكى قىلمىستىق ءىس سوتقا جولداندى

بۇل تۋرالى ق ر باس پروكۋراتۋراسى قىلمىستىق قۋدالاۋ قىزمەتى باسشىسىنىڭ ورىنباسارى ەلدوس قيلىمجانوۆ ايتتى، دەپ حابارلايدى قازاقپارات ءتىلشىسى.

«الماتى جانە تالدىقورعان قالالارىندا تەرگەۋدىڭ رۇقسات ەتىلمەگەن ادىستەرىن قولدانۋ فاكتىلەرى بويىنشا پوليتسيا ورگانىنىڭ 8 قىزمەتكەرىنە قاتىستى ەكى قىلمىستىق ءىس سوتقا جولداندى»، - دەدى ە. قيلىمجانوۆ ورتالىق كوممۋنيكاتسيالار قىزمەتىندە.

ونىڭ ايتۋىنشا، جالپى، قۇقىق قورعاۋ جانە ارناۋلى ورگانداردىڭ 29 قىزمەتكەرى كۇدىكتى رەتىندە تانىلدى.

«ونىڭ 8 ءى سوتتا، 20 سى ءىس ماتەريالدارىمەن تانىستىرىلىپ جاتىر، ال بىرەۋىنە تەرگەۋ جالعاسىپ جاتىر»، - دەدى باس پروكۋراتۋرا وكىلى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى