قوستاناي وبلىسىنداعى ءورت كەزىندە 8 ادام جوعالىپ كەتتى - پوليتسيا

بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگىدە قوستاناي وبلىسى پوليتسيا دەپارتامەنتى باستىعىنىڭ ورىنباسارى دۇيسەمباي بايبوسىنوۆ ايتتى، دەپ حابارلايدى قازاقپارات ءتىلشىسى.

«اۋليەكول اۋدانىنداعى ءورت كەزىندە جالپى 8 ادام جوعالدى. ونىڭ جەتەۋى تابىلدى. ال 1 ادام ءالى ىزدەستىرىلىپ جاتىر. ول 56 جاستاعى امانقاراعاي اۋىلىنىڭ تۇرعىنى. ىزدەستىرۋ ناتيجەلەرى بويىنشا قوسىمشا حابارلايتىن بولامىز.

جالپى بۇگىنگى كەزەڭگە ىشكى ىستەر ورگاندارىنىڭ ءتيىستى بولىمشەلەرى مەن وبلىستىق پروكۋراتۋرا بىرلەسىپ، ۆەدموستۆوارالىق كوميسسيا قۇردى. ولار ءورتتىڭ شىعۋ سەبەبىن انىقتاۋمەن اينالىسىپ جاتىر. 3 قىلمىستىق ءىس قوزعالدى. ورتكە سەبەپ بولۋى مۇمكىن ءارتۇرلى نۇسقالاردى قاراستىرىپ جاتىرمىز»، - دەدى دۇيسەمباي بايبوسىنوۆ.

ونىڭ ايتۋى بويىنشا، ءورت كەزىندە كوز جۇمعان 88 جاستاعى تۇرعىننىڭ ولىمىنە قاتىستى قىزمەتتىك تەرگەۋ جۇرگىزىلىپ جاتىر.

ەسكە سالايىق، قوستاناي وبلىسىنا قاراستى اۋليەكول اۋدانىنداعى ءورت سالدارىنان 2091 ادام ەۆاكۋاتسيالانىپ، 12 تۇرعىن ءتۇرلى جاراقات العان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى