قازاقستان ىشكى نارىقتىڭ تەك 8 پايىزىن عانا قانتپەن قامتىپ وتىر - اتامەكەن ۇ ك پ
مۇنداي دەرەكتى «اتامەكەن» ۇ ك پ اگروونەركاسىپتىك كەشەن جانە تاماق ونەركاسىبى دەپارتامەنتىنىڭ ديرەكتورى ەربول ەسەنەيەۆ كەلتىردى، دەپ حابارلايدى قازاقپارات ءتىلشىسى.
«قازىرگى ۋاقىتتا ەلىمىز 12,3 گەكتار اۋماققا قانت قىزىلشاسىن ەگەدى. ول ەلدىڭ تەك 8 پايىزىن عانا قانتپەن قامتۋعا جەتەدى. بۇگىندە ءار گەكتاردان 40 مىڭ توننا قانت الىپ وتىرىمىز. ەگەر سۋارمالى قانت قىزىلشاسى القابىن 104 مىڭ گەكتارعا ۇلعايتسا، وندا ىشكى نارىقتىڭ 80 پايىزىن تولىق قانتپەن قامتۋ مۇمكىندىگى بار»، - دەپ اتاپ ءوتتى ەربول ەسەنەيەۆ.
ال، «اتامەكەن» ۇ ك پ اگروونەركاسىپ كەشەنى كوميتەتىنىڭ ءتوراعاسى جيگۋلي دايرابايەۆ بولسا، الماتى مەن جامبىلداعى قانت زاۋىتتارى تولىق قۋاتىندا جۇمىس ىستەپ تۇرماعانىن ايتتى.
«بىزدە رەسپۋبليكا بويىنشا قانت وندىرەتىن الماتى مەن جامبىلداعى زاۋىتتار. ولاردىڭ وزدەرى تولىق قۋاتتىلىقپەن جۇمىس ىستەپ تۇرعان جوق. 12 ايدىڭ ىشىندە 2-3 اي جۇمىس ىستەيدى دە، تۇرادى. ول جەردە قانشاما جۇمىس كۇشى بار. ولاردىڭ جانۇيالارى بار. ەگەر دۇكەن سورەلەرىندەگى قانتتىڭ باعاسى ارزان بولسىن دەسەك، ءبىز وعان دۇرىس كوڭىل ءبولۋىمىز كەرەك. بىزدە وندىرەتىن ءونىم جەتپەيدى. قانت قىزىلشاسىنىڭ ەگىس القابىن كوبەيتۋ قاجەت. وسىعان بايلانىستى ازاماتتار دا جۇمىسپەن قامتىلادى. ءوزىمىزدىڭ وتاندىق تۇقىمداردى ەگۋ قاجەت. ءبىز شەتەلدەن تۇقىم الامىز، جەڭىل- جەلپى دۇنيە جاسايمىز دەگەن - بوس ءسوز»، - دەدى جيگۋلي دايرابايەۆ.
بۇدان بولەك، كەشەگى ۇكىمەتتىڭ كەڭەيتىلگەن وتىرىسىندا پرەزيدەنت جۇكتەگەن تاپسىرمالاردى تالقىلاۋ بارىسىندا «اتامەكەن» ۇ ك پ ساراپشىلارى فەرمەرلەرگە جەڭىلدىكپەن نەسيە بەرۋ ماسەلەسىن كوتەردى. ەلىمىزدە 300 مىڭنان استام فەرمەر بار. ساراپشىلاردىڭ ايتۋىنشا، ولارعا قاجەتتى جاعداي جاسالىپ جاتقان جوق.
سوندىقتان، «اتامەكەن» ۇ ك پ وكىلدەرى شارۋاشىلىقتارعا كاسىبىنىڭ كولەمىنە بايلانىستى نەسيە بەرۋ قاجەت ەكەنىن اتاپ ءوتتى.
ەسكە سالساق، ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقايەۆ قانت تاپشىلىعىن رەتتەي الماعان ساۋدا جانە ينتەگراتسيا ءمينيسترى باقىت سۇلتانوۆ پەن اۋىل شارۋاشىلىعى ءمينيسترى ەربول قاراشوكەيەۆكە سوگىس جاريالادى.
